رۋحاني جاڭعىرۋ: الماتىدا ۋنيۆەرسيتەتتەردىڭ اليانسى قۇرىلدى

استانا. قازاقپارات - الماتىدا ج و و مۇعالىمدەرىنىڭ باستاماسىمەن قالا ۋنيۆەرسيتەتتەرىنىڭ اليانسى قۇرىلدى، دەپ حابارلايدى قازاقپارات.

اليانس قۇرامىنا وڭتۇستىك استاناداعى بارلىق 38 ۋنيۆەرسيتەتى كىردى. اليانستىڭ نەگىزگى ماقساتى - «رۋحاني جاڭعىرۋ» باعدارلاماسىن ىسكە اسىرۋدا جوعارى وقۋ ورىندارىنىڭ وقىتۋشىلارى مەن ساراپشىلارىنىڭ الەۋەتىن تارتۋعا مۇمكىندىك بەرەدى.

«ۋنيۆەرسيتەتتەردىڭ ميسسياسى - قوعامىمىزدىڭ رۋحاني جاڭارۋىنىڭ ماڭىزدى قۇرامى بولىپ تابىلادى. ول تەك بىلىكتى كادرلاردى عانا ەمەس، سونىمەن قاتار ەلدىڭ ازاماتتارىن قالىپتاستىرادى. سانانى جاڭعىرتۋدىڭ نەگىزگى قۇرالى - باسەكەگە قابىلەتتىلىك، اشىقتىق، پراگماتيزم، ۇلتتىق كودتى ساقتاۋ پرينتسيپتارى بار پاتريوتتىقتى قالىپتاستىرادى. وسى اليانستى قۇرۋعا بىزدەر ۇزاق دايىندالدىق. «رۋحاني جاڭعىرۋ» باعدارلاماسىن جۇزەگە اسىرۋداعى جوعارى وقۋ ورىندارى مۇعالىمدەرىنىڭ ورنى ەرەكشە. قالادا شامامەن 15 مىڭ ءمۇعالىم بار. بىزدە ناقتى جوسپارلار بار. اليانس «رۋحاني جاڭعىرۋ» ستراتەگياسىن قولداۋعا باعىتتالعان، قالامىزدىڭ بارلىق مۇعالىمدەرىنىڭ تاجىريبە الماسۋىنا كومەكتەسەتىن جاڭا شىعارماشىلىق الاڭعا اينالادى جانە ۋنيۆەرسيتەتتەردىڭ رۋحاني جاڭعىرۋداعى درايۆەرى بولۋىنا ىقپال ەتەدى»، - دەدى ءال-فارابي اتىنداعى قازاق ۇلتتىق ۋنيۆەرسيتەتىنىڭ پرورەكتورى شولپان جامانبالايەۆا.

ۋنيۆەرسيتەتتەر اليانسى مۇعالىمدەردىڭ ءبىرىنشى قالالىق فورۋمىن، قاسيەتتى ورىندار تۋرالى عىلىمي كونفەرەنتسيا، قازاقستاندىق مادەنيەتتى تانىمال ەتۋ ءۇشىن ينتەرنەت- جوبالاردى جانە ت. ب. ءىس-شارالار وتكىزۋدى جوسپارلاپ وتىر.

«بۇگىن قالانىڭ بارلىق ۋنيۆەرسيتەتتەرىندە «رۋحاني جاڭعىرۋ» بويىنشا جۇمىستار جۇرگىزىپ كەلەدى. ءاربىر ۋنيۆەرسيتەتتە وزدەرىنىڭ جوبالارى بار. ەندى مىنە اليانس ارقىلى ءبىز كۇش- جىگەرىمىزدى بىرىكتىرىپ، جالپىقالالىق جوبالاردى جۇزەگە اسىرۋدى كوزدەپ وتىرمىز. ماسەلەن، اليانس اياسىندا وقىتۋشىلاردان، جاس عالىمداردان، دوكتورانتتار مەن ماگيسترانتتاردان جينالعان ءتۇرلى باعىتتاعى تۇراقتى ساراپشىلار كلۋبى قۇرىلاتىن بولادى»، - دەيدى اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پرورەكتورى جاناتبەك شپەكبايەۆ.

مەملەكەت باسشىسىنىڭ ماقالاسىندا انىقتالعان قۇندىلىقتاردى ستۋدەنت جاستار اراسىندا ناسيحاتتاۋدى اليانس باستى مىندەتتەرىنىڭ ءبىرى ەتىپ قويىپ وتىر.

«ەلباسى بىزگە ناقتى مىندەتتەر جۇكتەدى. ءبىز ارينە دايىنبىز. وتكەن جىلى ءاربىر ۋنيۆەرسيتەت ءوز شاراسىن جەكە ۇيىمداستىردى. بۇگىن ءبىز بىرىگىپ، ۇلكەن كۇشكە اينالىپ وتىرمىز. ءاربىر مۇعالىم ارتىندا جۇزدەگەن، مىڭداعان ستۋدەنتتەر بار. ۋنيۆەرسيتەتتەر اليانسى شىن مانىندە «رۋحاني جاڭعىرۋ» باعدارلاماسىن جۇزەگە اسىرۋدا شىعارماشىلىق، اشىق، تانىمدىق جانە جاڭاشىل الاڭىنا اينالاتىنىنا سەنىمدىمىز»، - دەدى UIB ۋنيۆەرسيتەتىنىڭ پرورەكتورى قايىرجان مەڭدىعاليەۆ.

سونىمەن قاتار، ۇيىمداستىرۋشىلار پليانستىڭ اتاۋى تۋرالى ءوز پىكىرلەرىن ءبىلدىردى.

«وزدەرىڭىزگە بەلگىلى الماتىدا بۇگىنگى كۇنى 38 ۋنيۆەرسيتەت بار. بىزدەر وسى ءبىر شاڭىراق استىنا بىرىگىپ، اليانستى «University 38»  اتاۋدى ءجون كوردىك»، - دەدى ابىلاي حان اتىنداعى قازاق حالىقارالىق قاتىناس جانە الەم تىلدەرى ۋنيۆەرسيتەتىنىڭ پرورەكتورى تاتيانا سەرەجكينا.