ادام سەنگىسىز جاعدايدا كوز جۇمعان مارقۇمدار - فوتو

استانا. قازاقپارات - ءار ادام اجالىنىڭ نەدەن كەلەرىن بىلمەيدى. الەمدە ءتىپتى، دەنساۋلىعىن كۇتەمىن دەپ ءجۇرىپ تە ءولىم قۇشقاندار دا جەتەرلىك.

دۇنيە جۇزىندەگى ەڭ وزگەشە جاعدايدا كوز جۇمعاندار ءتىزىمىن Life.ru سايتىنا سىلتەمە جاساعان NUR. KZ پورتالى ۇسىنادى.

1927-جىلى سەرگەي ەسەنيننىڭ جارى، ءبيشى ايسەدورا دۋنكان ءوزىنىڭ جاڭا اۆتوسىن ەندى عانا ايداپ ۇيرەنبەك بولعاندا كوز جۇمدى. ونىڭ تىم ۇزىن مويىنوراعىشى كولىكتىڭ دوڭگەلەگىنە ورالىپ، ايەلدىڭ مويىنىن سىندىرعان.

2013-جىلى برازيليادا ۇيىقتاپ جاتقان ازاماتتىڭ ۇستىنە شاتىردان سيىر قۇلاعان. ناتيجەسىندە جواو ماريا دە سوۋزا ىشكى اعزالارى قانسىراپ قايتىس بولدى. سيىر كورشى فەرمادان قاشىپ كەتىپ، شاتىرعا شىعىپ كەتكەن دەگەن بولجام بار.

1974-جىلى پايدالى تاعامداردى عانا تۇتىناتىن بريتاندىق ءسابىز شىرىنىنان مەرت بولدى. ۆاسيلي براۋن ونى تىم كوپ پايدالانعاندىقتان باۋىر اۋرۋىنا شالدىققان ەكەن.

1601-جىلى دانيالىق دۆوريان تيحو براگە. ول داستارحان باسىندا قۇرمەتتى قوناقتارمەن وتىرعاندىقتان، شىعىپ كەتۋگە ىڭعايسىزدانعان ەكەن.

1880-جىلى تايلاند پاتشايىمى سۋناندا كۋماريراتانا وتىرعان كەمە وزەندە اۋدارىلىپ كەتىپ، سۋعا باتىپ قايتىس بولدى. ەلدە حانىمعا قول تيگىزۋ اۋىر كۇنا سانالعان. سوندىقتان ونى ەشكىم قۇتقارا الماپتى. سۋناندانىڭ اياعى اۋىر بولعان ەكەن.

1987-جىلى كوننەكتيكۋت شتاتىنىڭ تۇرعىنى پول توماس ءوزىنىڭ ءجىپ ءيىرۋ فابريكاسىندا 730 مەتر جىپكە وراتىلىپ قالىپ كوز جۇمدى.

2007-جىلى بىرنەشە ادام تىم كوپ سۋ ىشكەننەن قايتىس بولدى. كونكۋرس بارسىنىدا سىيلىقتى ۇتىپ الۋعا بارىن سالعان قاتىسۋشىلار التى ليتردەن استام سۋدى بىردەن ىشكەن.