مىڭنان اسا مەملەكەتتىك قىزمەتشى جوعارى لاۋازىمعا تاعايىندالدى - اتتەستاتسيا قورىتىندىسى
«مەملەكەتتىك قىزمەتشىلەردىڭ كەشەندى اتتەستاتسياسىن جۇرگىزۋ «100 ناقتى قادام» ۇلت جوسپارى اياسىندا ەسكەرىلگەن جانە بۇل شارالار حالىققا قىزمەت ەتۋ ۇستانىمدارى بويىنشا مەملەكەت باسشىسى بەلگىلەپ بەرگەن ماقساتقا ىقپال ەتەدى. العاش رەت اتالعان اتتەستاتسيا اۋقىمدى تۇردە وتكىزىلىپ، «ب» كورپۋسىنداعى بارلىق قىزمەتشىلەردى قامتىدى. جالپى، 2017-جىلى اتتەستاتسيادان 66853 مەملەكەتتىك قىزمەتشى ءوتتى»، - دەلىنگەن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى حابارلاماسىندا.
اتاپ ايتقاندا، جەكە قۇزىرەتتىلىگىنە جاسالعان باعالاۋ بارىسىندا قىزمەتشىنىڭ زاڭناما اياسىندا مەملەكەت مەن قوعامعا قىزمەت ەتۋدەگى ادالدىعى، ەتيكاسى جانە وزگە دە قاسيەتتەرى نازاردا بولدى.
تەستىلەۋ ناتيجەسىندە ورتالىق مەملەكەتتىك ورگانداردىڭ جوعارى باسقارۋشى بۋىنى قىزمەتشىلەرىنىڭ اراسىندا «شەشىم قابىلداۋ» مەن «قىزمەتتى تۇتىنۋشىعا باعدارلانۋ» قۇزىرەتتىلىكتەرى دامىعاندىعى كورىنگەن. ال جەرگىلىكتى اتقارۋشى ورگاندارى باسقارۋشىلارىندا «سابىرلىق» پەن «قىزمەتتى تۇتىنۋشىلاردى اقپاراتتاندىرۋ» قۇزىرەتتەرى ايقىن بايقالادى.
سونىمەن قاتار ارى قاراي دامۋدى قاجەت ەتەتىن قىزمەتتىك وكىلەتتىكتەر انىقتالدى. ماسەلەن، مينيسترلىك قىزمەتشىلەرى «ىنتىماقتاستىق» قۇزىرەتىن ءتيىستى دەڭگەيدە كورسەتپەي وتىر، ياعني بۇل ماسەلە مۇددەلى تاراپتارمەن كونسترۋكتيۆتى ءوزارا قاتىناستاردى قۇرۋعا بايلانىستى.
سونىمەن قاتار وڭىرلىك قىزمەتشىلەردە كوبىنە «ءوزىن-ءوزى دامىتۋ» كۇش-جىگەرى جەتكىلىكسىزدەۋ.
«قازىرگى كەزدە ق ر پرەزيدەنتى جانىنداعى مەملەكەتتىك باسقارۋ اكادەمياسى جەكە قىزمەتتىك وكىلەتتىكتى دامىتۋ بويىنشا باعدارلامالاردى ازىرلەدى جانە ولار باسقارۋدىڭ دەڭگەيىنە قاراي سارالانعان. بۇل باعدارلامالار اياسىندا وقىتۋ شارالارى بيىل مەملەكەتتىك قىزمەتشىلەردىڭ بىلىكتىلىگىن ارتتىرۋ اياسىندا باستالادى»، - دەپ ناقتىلادى اگەنتتىك.
جالپى ، اتتەستاتسيا قورىتىندىسى بويىنشا 61115 ءى اتقارىپ وتىرعان لاۋازىمىنا سايكەس كەلەدى، 4851 ادام قىزمەتىن جوعارىلاتۋعا، 747 ادام تومەندەتۋگە، سونداي-اق 140 ادام قىزمەتىنەن بوساتىلۋعا ۇسىنىلدى.
«بۇگىندە اتتەستاتسيالىق كوميسسيانىڭ شەشىمدەرى نەگىزىندە 1405 قىزمەتشى مانساپتىق ساتىدا جوعارىلاپ، جوعارى تۇرعان قىزمەتكە تاعايىندالدى»، - دەيدى ۆەدومستۆو وكىلدەرى.