+7 (701) 759 90 19 Лента
9 °С : استانا
6 °С : الماتى
USD 326.00 EUR 382.20
RUB 5.29 CNY 51.05
جاڭالىقتار

قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

14 قاڭتار 12:14 832
:ءبولىسۋ
قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

استانا. قازاقپارات - وتكەن اپتادا قازاقستاننىڭ وڭىرلىك مەرزىمدى باسپا ءسوزى قانداي وزەكتى ماسەلەلەردى كوتەردى؟ ادەتتەگىدەي «قازاقپارات» ح ا ا وقىرماندار نازارىنا ەلىمىزدىڭ ايماقتارىنداعى وڭىرلىك باسپا سوزگە شولۋ ۇسىنادى.

«وڭتۇستىك قازاقستان» گازەتى اعاش ۇستاسى ءمۇراتالى كوشكىنبايەۆ تۋرالى جازعان ەكەن. شىندىعىندا ۇلتتىق بۇيىمدار مەن مۋزىكالىق اسپاپتار جاسايتىن شەبەردىڭ تۋىندىلارى ادامدى تاڭعالدىرادى. ايتۋىنشا، بۇل ەرەكشە ونەر اتاسىنان دارىپتى. اتاسى اقباستاۋ اۋىلىنا بەلگىلى اعاش ۇستاسى بولعان ەكەن. سونىڭ قاسىندا كومەكتەسە ءجۇرىپ، وسى كاسىپتى مەڭگەرگەن. كەيىننەن كاسىبي ءبىلىم الىپ، ونەرىن ۇشتاعان.


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

 «وقۋعا تۇسكەن العاشقى جىلدارى ماردىمدى ەشتەڭە ۇيرەنە قويمادىق. بىزدەن جوعارى كۋرستا وقيتىن جىگىتتەر قوبىز جاسايتىن جانە ونىسىن بىزگە كورسەتپەيدى. كورسەتەر بولسا ءبىز ۇيرەنىپ الىپ، ولاردى «نانىنان» ايىرامىز عوي. ول جىلدارى 1 قوبىزدىڭ باعاسى 10-15 مىڭ تەڭگەنىڭ اراسىندا ەدى. ول اقشاعا ءبىر كولىك ساتىپ الۋعا بولاتىن. سوندا ولار بىزدەن جاسىرىپ، جاتاقحانانىڭ ءتورتىنشى قاباتىنا شىعىپ كەتىپ، تەرەزەلەرىن گازەتپەن جاۋىپ الادى. سوندا اعاشتان قوبىز ويىپ، جاساپ شىعارادى. تومەنگى كۋرستار، ءبىز قايتەمىز؟! ەكى- ءۇش بالا بىرىگىپ، ارقان الىپ، جاتاقحانانىڭ شاتىرىنا شىعامىز. ءبىر ادام بەلىنە ارقاندى بايلاپ، تەرەزەنىڭ اشىق قالعان تۇسىنان سىعالايدى. قولىمىز تالىپ، شىداماي بارا جاتساق جوعارىعا بەلگى بەرەمىز. ولار جىپپەن تارتىپ الادى دا، ەكىنشى جىگىت تومەن ءتۇسىپ، سىعالاۋدى جالعاستىرادى. سودان ءبارى بىتكەن سوڭ كورگەن- تۇيگەنىمىزدى ورتاعا سالىپ، قوبىز جاساپ شىعارامىز»، - دەپ ەسكە الادى ستۋدەنت شاعىن كەيىپكەر.


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

اڭگىمە بارىسىندا ۇستا شاكىرت ماسەلەسىن دە ءسوز ەتىپتى.

«مۇمكىن مەنەن جاقسى ۇستاز شىقپايدى، ياكي، قازىرگى جاستاردىڭ بۇل ىسكە قۇلقى جوق. بىرەر كۇن قول استىمدا جۇمىس ىستەپ، وزىمنەن اقشا تالاپ ەتكەندەرى بولدى. تەگىن جاتىن ورىن، تەگىن تاماق بەردىم. بىلگەنىمدى ۇيرەتتىم. كاسىبىن تولىق مەڭگەرمەي جاتىپ اقشا سۇرادى. سودان ولاردى ەركىنە قويا بەردىم، - دەيدى ول.

ايتا كەتەرلىگى، ۇستاعا تاپسىرىس بەرۋشىلەر كوپ سەكىلدى. ءتىپتى، رەسەي استاناسى ماسكەۋ قالاسىنا بىرنەشە استاۋ جونەلتكەن.


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

«جۋىردا ءبىر ايەل كەلىپ، وزىنە ەلدە جوق ساندىق ىستەپ بەرۋىن ءوتىنىپتى. قازىر سول ساندىقتى ىستەۋ ۇستىندە. جۇمىس ويداعىداي اياقتالىپ، ساندىق ءساتتى شىقسا، بۇل ونىڭ ەڭ قىمبات بۇيىمى بولماق. ۇستا ساندىقتى  1 ميلليون 200  مىڭ تەڭگەگە باعالاپتى» دەپ جازادى وڭتۇستىك قازاقستان گازەتى.

بۇل اۋىلدى كورمەگەن كىم بار ەكەن - «سىر بويى» گازەتى


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

«سىر بويى» گازەتىنىڭ جازۋىنشا، بۇگىندە  قىزىلوردا وبلىسىنداعى ناعي يلياسوۆ اۋىلىن بىلمەيتىن تانىمال ونەر ادامدارى، قازاقستاننىڭ ەسترادا جۇلدىزدارى كەم دە كەم ەكەن. شىندىعىندا وسى اۋىلعا ونەر جولىندا جۇرگەن انشىلەر، ءازىل- سىقاقشىلاردىڭ باسىم بولىگى كەلىپ، اۋىل جۇرتىن قۋانتقان ەكەن.

 ايتا كەتەرلىگى، بۇل اۋىلعا ەڭ العاش 2003 -جىلى ديقاندار جاقسى ناتيجەگە قول جەتكىزگەنى ءۇشىن شارۋاشىلىق باسشىسى ا. ەرالييەۆ العاش رەت «شانشار» ءازىل- سىقاق تەاترىن اۋىلعا شاقىرعان ەكەن. ودان كەيىنگى جىلدارى «جىگىتتەر» كۆارتەتى كونتسەرتتىك باعدارلاماسىمەن كەلىپتى. مىنە، سودان باستاپ جىل سايىن گۇلدەنگەن اۋىلعا ارتىستەر كەلىپ، ونەرىمەن ەل- جۇرتتى ءتانتى ەتەتىن كورىنەدى.

قازىرگى تاڭدا اۋىل تۇرعىندارى «ءبىزدىڭ اۋىلعا ونەر ادامدارىنان كىم كەلگەن جوق؟» دەپ تاڭداپ وتىراتىن دەڭگەيگە جەتىپتى.

 بيىلعى تابىستى جىلى دا اۋىل تۇرعىندارىنا قازاقستاننىڭ ەسترادا جۇلدىزدارى روزا ءالقوجا، نۇرجان قالجان جانە «كۇلكىستان» ءازىل- سىقاق تەاترى كەلىپ، ونەر كورسەتكەن. ال وتكەن جىلى روزا رىمبايەۆا، تۇرسىنبەك قاباتوۆ، 2013 -جىلى تورەعالي ءتورالى، قىدىرالى مەن قاراقات، سونداي- اق ونىڭ الدىندا جۇبانىش جەكسەن ۇلى، جانبولات پەن جازيرا، لەنا ءابدىقالىقوۆا جانە تاعى باسقا دا انشىلەر اۋىلعا ارنايى شاقىرتۋمەن كەلىپ، كونسەرتتىك كەشتەرىن وتكىزگەن. كوپتەگەن مەيماندار ەرەكشە دامىعان اۋىلدى كورۋگە اسىق» دەپ جازادى «سىر بويى» گازەتى.

 شىندىعىندا شالعايداعى اۋىلدى قويىڭىز ءتىپتى اۋدان ورتالىعىنا انشىلەردىڭ بارۋى ەكىتالاي زاماندا،  قىزىلورداداعى بۇل اۋىلدى شىنىمەن ەرەكشە اۋىل دەپ اتاۋعا بولاتىنى انىق.

قامشى «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - سارى ارقا سامالى گازەتى

 الەۋمەتتىك جەلىدە تارالعان، «ايەلدى ۇرىپ- سوعۋدىڭ» ءادىس- تاسىلدەرى تۋرالى ۋاعىز ايتقان بەينەجازبا كوپشىلىكتىڭ قىزۋ پىكىرىن تۋدىرعانى بەلگىلى. بۇعان «سارى ارقا سامالى» گازەتى دە نازار اۋدارعان ەكەن.

 «ۋاعىزشىنىڭ ىنتا- ەموتسياسىنا قاراپ، اتالعان تاقىرىپقا ەرەكشە قىزىعۋشىلىقپەن كەلگەنىن بايقايسىز. ەر- ازامات ءۇشىن ايەلدەن ارتىق جاۋىز جوقتاي، بارلىق ساتسىزدىكتەر سولاردىڭ كەسىرىنەن دەپ ويلاپ قالۋعا دا بولادى. ءبىراق قازىرگىدەي زايىرلى، وركەنيەتتى قوعامدا الگىندەي ناسيحاتتىڭ قالاي قابىلداناتىنىن الدىن الا بولجاۋعا بولادى. سول بولجام راستالدى، ايەلدى ۇرۋدىڭ جولدارىن ۇسىنعان ازاماتتىڭ ارەكەتىن قىزۋ تالقىعا سالۋشىلار قاراسى كوپ بولدى» دەپ جازادى ماقالا اۆتورى.

 بۇل رەتتە اۆتور ءبىرقاتار مامانداردىڭ ءدال وسى ۋاعىزعا قاتىستى پىكىرلەرىن ۇسىنادى. الەۋمەتتىك جەلىدەگى پىكىرلەردى دە قوسا ۇسىنىپ، قازاقستان مۇسىلماندارى ءدىني باسقارماسى وكىلىنىڭ دە تۇسىنىكتەمەسىن العا تارتادى.

«بۇگىندە قوعامدا كوپتەگەن ماسەلەلەر ءدىني تۇرعىدان دا تالقىلانىپ، قابىلداناتىنىن ايتا كەتۋ كەرەك. وكىنىشكە قاراي، ءتۇسىندىرۋشىنىڭ ءبارى زايىرلىلىقتىڭ، وركەنيەتتىلىكتىڭ ورىنەن تابىلىپ وتىرماعانىنا وسى جاعداي مىسال. حاكىم اباي ايتقانداي، ء«سوز تۇزەلسە، تىڭداۋشى تۇزەلەر» . ءبىر ءۇمىت - قمدب ۋادە ەتىپ وتىرعان ۋاعىز ايتۋدىڭ ءبىرىڭعاي جۇيەسىندە» دەپ تۇيىندەيدى اۆتور ماقالاسىن.

قارەكەت كەرەك - «قوستاناي تاڭى» گازەتى

 قوستاناي وبلىستىق گازەتتە سەكسەننىڭ سەڭگىرىنە شىققان ارداگەر جۋرناليست حانزيپا بالدىك قىزىنىڭ «قارەكەت كەرەك» دەگەن ماقالاسى جاريالانعان ەكەن. ماقالا نەگىزىنەن قازاق ءتىلىنىڭ بۇگىنگى جاعدايىنا ارنالادى. اۆتور ءتىل توڭىرەگىندەگى تۇيتكىلدەرگە توقتاماس بۇرىن ءوز باسىنان وتكەن، ءوزى كۋا بولعان ءبىرقاتار ماسەلەنى تارقاتىپ، سوسىن عانا نەگىزگى ماسەلەگە كوشەدى.

 «باياعىدا اراب تىلىنە ويىسىپ بارا جاتقان تۇرىك حالقىن اتاتۇرىك وزدەرىنىڭ انا تىلىنە، تۇرىك تىلىنە قايتارىپتى. ارينە، ول ۇكىمەت باسشىسى بار تەتىك، مۇمكىندىك ءوز قولىندا بولدى. ال ءبىز - حالىقپىز عوي. حالىق دارمەنسىز بولۋى كەرەك پە؟! حالىق بولىپ قارەكەت جاساسا، ءبىر ناتيجە شىعارى انىق» دەپ جازادى اۆتور.

 سوسىن جۋرناليست تىلگە قاتىستى ءۇش قارەكەتتى ۇسىنادى. ماسەلەن، 1-قارەكەت: ەلباسىنىڭ ۇسىنعان «رۋحاني جاڭعىرۋ» باعدارلاماسىن باسشىلىققا الا وتىرىپ جۇمىس ىستەۋ. جاڭعىرۋ دەگەننىڭ ءوزى كەمشىن قالعان، ەلەنبەي ارتتا قالعان، ەسكەرۋسىز ۇمىتىلا باستاعان ت. ب. سونداي ىستەردى قايتا جاڭعىرتۋ، جاڭارتۋ، دامىتۋ دەگەن ءسوز ەمەس پە؟ ! جانە ول رۋحاني جاڭعىرۋ بولسا، ادام بالاسىنىڭ جان دۇنيەسىن رۋحاني كوتەرەتىن يگىلىكتى ءىس قوي. ء«تىل - حالىقتىڭ، ۇلتتىڭ رۋحى، جانى دەسە دە بولادى. ەندەشە، ەلباسىنىڭ بۇل باعدارلاماسى انا ءتىلىمىزدى جاڭعىرتىپ، جاڭارتىپ بايىتۋعا، دامىتۋعا ارنالعانداي سايكەس كەلىپ تۇر» دەپ جازادى اۆتور. ەكىنشى قارەكەت رەتىندە ول قازاق ءتىلى قوعامىن قايتا جاڭعىرتۋدى ۇسىنادى.

 «سوناۋ كەڭەس زامانىنىڭ وزىندە قازاق ءتىلى قوعامىمەن بىرلەسە جۇمىس ىستەپ، ءبىراز يگىلىكتى ىستەردى جۇزەگە اسىرىپ ەدىك. 3-4 پايىز عانا قازاعى بار ليساكوۆ، رۋدنىي قالالارىندا باسشىلاردىڭ ەسىگىن توزدىرا ءجۇرىپ، العاشقى قازاق سىنىپتارىن اشقانبىز. قالالىق راديولاردى تۇڭعىش رەت قازاقشا سويلەتكەنبىز.. . قازىر كوپشىلىكتىڭ پىكىرىنە قاراعاندا، قازاق مەكتەپتەرىندە، اسىرەسە، بالاباقشالاردا، بالالاردىڭ انا تىلىمىزدە سويلەپ كەتۋى ايتارلىقتاي دارەجەدە ەمەس. جۇمىستى ەڭ الدىمەن جاس ۇرپاقتان باستاعان ءلازىم. ول ءۇشىن وتباسى تاربيەسىنە، وتباسى تىلىنە كوڭىل ءبولىنۋى قاجەت. ەڭ الدىمەن بولاشاق ۇرپاقتارىمىزدىڭ ورىس ءتىلدى بولىپ كەتپەۋىنە اباي بولايىقشى!» دەپ تۇيىندەيدى 80 جاستاعى قارت جۋرناليست.

اۆتو مىنگەن اڭشىلىق نەمەسە اۋەيى جاستار قايدا بارادى؟ - «ورتالىق قازاقستان» گازەتى


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ


 «ورتالىق قازاقستان» گازەتىندە جارىق كورگەن وسى ماقالادا اۆتور نەگىزىنەن «سالبۋرىن» تۋرالى جازۋعا بەكىنگەن ەكەن، ءبىراق ماقالا «اتقا مىنگەن جىگىتتەرگە «ءجۇر سالبۋرىنعا» دەسەڭ، «نە دەپ تۇرسىڭ، باۋىرىم؟ » دەيتىندەر دە بار» دەگەن ويمەن باستالادى. سوسىن اۆتور كەشەگى قازاقتىڭ سالتىنا تامسانا كەلە، بۇگىنگى جاعدايدىڭ جارىمايتىن جاقتارىن العا تارتادى.

 «ءبىز اتتى مىنۋدەن دە قالدىق، قايتا جاقسىلاپ سويۋدى مەڭگەرىپ العانبىز. الامان بايگە ونەرىن بيزنەسكە اينالدىرىپ جىبەردىك. قازاقى اتتارىمىزدىڭ قادىرىن كەتىردىك». «قازاقتا «ات ءۇستى قارايدى» دەگەن تۇراقتى ءسوز تىركەسى بار. ەندىگى كۇنىمىز تەمىر اتتىڭ ىشىنەن قارايتىن كۇيگە كوشتىك. استىنا اۆتو مىنگەن، قولىنا قارۋ العان جىگىتتەرىمىز ءتۇن جامىلىپ، ءتۇز- تاعىلارىنا قىرعيداي ءتيىپ جاتىر. بالىقتى اۋمەن ەمەس، قارماقپەن اۋلا دەسە دە، اۋمەن اۋىز ءسۇرتىپ جۇرگەن «بروكونەرلەر» قايتار ەمەس. ءتۇز تاعىلارىنىڭ قىرىلۋىنا قاۋىپ - وسى. بۇل - قۇلقىنىنىڭ قۇلى بولعان تەكسىزدەردىڭ ءىسى. اڭشىلىق ونەر ەرىككەننىڭ ەرمەگىنە اينالدى. اۋىل ماڭىندا وققا ۇشقان اڭدار، ءتىپتى، سيرەدى، دالاعا شىقساڭ جاساپ ەمەس، جاسىپ قايتاسىڭ. يەن دالانىڭ تىلسىم كۇشىن، ادامنان ارتىق بىلگەن جان- جانۋار ءبىز ءۇشىن قىزىق بولعانىمەن، ساباق الاتىن تۇستارىمىز كوپ. قاسقىر- ەكەش قاسقىر دا اپانىنىڭ ماڭىنداعى اۋىل مالىنا شاپپاعان» دەپ كۇيىنەدى اۆتور. سوسىن ماقالادا اڭشىلىق ونەرى تۋرالى ءسوز قوزعالىپ، قازىرگى كۇنى ۇمىت بولىپ بارا جاتقان ءداستۇردىڭ ءبىرى «سالبۋرىن» تاقىرىبىمەن تارقاتىلادى.

جۇرەكتەگى يمان بىلەكتەگى كۇشكە تارازى - جەتىسۋ گازەتى


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

 الماتى وبلىسىنىڭ «جەتىسۋ» گازەتىنىڭ «JETIGEN» ايدارىندا گرەك- ريم كۇرەسىنەن بەيجىڭ وليمپياداسىنىڭ كۇمىس جۇلدەگەرى نۇرباقىت تەڭىزبايەۆپەن سۇحبات جاريالانىپتى. جالپى وليمپيادا جۇلدەگەرىمەن بولسىن، جالپى اتاعى شىققان سپورتشى قاۋىممەن سۇحباتتاسۋ، ول سۇحباتتا قوعام، ءدىن، ۇلت ماسەلەلەرى جايىندا كەلەلى اڭگىمە قوزعاۋ - قازىرگى ب ا ق تەندەنتھسياسىنا اينالىپ بارا جاتقان جوق پا، دەگەن وي كەلەدى. البەتتە، سپورتشىمەن سۇحبات سپورتتىڭ توڭىرەگىندە عانا بولمايتىنى انىق. دەگەنمەن، باسىم بولىگى سوزگە شورقاق كەلەتىن سپورتشىلار اراسىندا دا ايىزىن قاندىرا ايتاتىنداردىڭ بار ەكەنىنە دە كۋا بولىپ كەلەمىز. چەمپيون تەڭىزبايەۆپەن سۇحباتتان دا سونى اڭعارعانداي بولدىق.

جۋرناليستىڭ ساۋالى: باياعىدا سەكسەنگە جاسى كەلىپ، بويىنان ءال، بەتىنەن ءار كەتكەن ءبىر اقساقال «سەكسەن كورەيىن دەگەن جاسىم با ەدى، بىلامىق جەيىن دەگەن اسىم با ەدى؟»، - دەپ نالىعان ەكەن. بۇل جەكە ادامنىڭ باسىنداعى تاعدىرى عوي. ال ۇلت رەتىندە كوڭىلىمىزگە كولەڭكە ءتۇسىرىپ تۇرعان جايلار دا از ەمەس. تاۋەلسىزدىگىمىزگە ءتاۋ ەتىپ، تاڭىرىمىزگە ءتاۋبا دەگەن وسى تۇستا اشۋىڭىزدى كەلتىرەتىن، قانىڭىزدى قايناتاتىن كەرەعار كورىنىستەرگە بەي- جاي قارامايتىن ۇلدىڭ ءبىرىسىز دەپ ويلايمىن». سپورتشىنىڭ جاۋابى: بىزدە ءبارى كەرەمەت دەپ قوعامدا بولىپ جاتقان كەيبىر جاعدايلارعا كوز جۇما قاراۋعا بولمايتىن شىعار. «اۋرۋىن جاسىرعان ولەدى» ، - دەگەندى ۇمىتپاۋىمىز كەرەك.

ءبىر قوعامدا كۇن كەشىپ جاتقان سوڭ كەمشىلىكسىز پەندە جوق. پەندەمىز عوي دەپ جايباراقاتتىق تانىتۋ دا ۇلكەن كەمشىلىك. ۇلدان ۇيات، قىزدان قىلىق كەتسە، ۇلتتىڭ تامىرىنا بالتا شابىلادى. مەنمەن دەگەن نەبىر قۇرىش بىلەك جىگىتتەردىڭ ۇساق- تۇيەك شارۋامەن اينالىسىپ، ءالسىزدى باسىنعانىن ەرلىك ساناپ، ءبىر قازاقتى جابىلا سوعىپ، سونى ماقتان كورەتىنى اشۋىمدى كەلتىرەدى. قازاقتىڭ قاراكوز قىزىنا قارىنداسىم دەپ قاراي الماي، ويىنا كەلگەنىن ىستەگىسى كەلەتىنى ەردىڭ ەمەس، ەزدىڭ ءىسى. مىقتىسىڭ با، كۇشىڭدى ۇلتىڭ ءۇشىن جۇمسا.. .جاڭالىق دەپ جاھاندىق كەسەلدەردى قابىلداي بەرسەك نە بولامىز. قىزدارىمىز دا قىمسىنبايتىن بولدى. ەزۋىندە شىلىم، قولىندا سىرا، كوپشىلىك جۇرەتىن جەردىڭ وزىندە جىگىتتىڭ قۇشاعىندا وعاش قىلىق كورسەتىپ وتىرادى. «قىزعا قىرىق ۇيدەن تىيىم» ۇلتتىق تاربيەمىز ەمەس پە؟ تاريحىمىزدى بىلمەي، ءتىلىمىزدى سۇيمەي، ءداستۇرىمىزدى دارىپتەمەي ەرتەڭىمىز كەرەمەت بولمايدى. اشى دا بولسا شىندىق بۇل. ءبىر الاڭداتاتىن نارسە وسى جاعى» .

«تالاق» - قازاققا جات ۇعىم - اتىراۋ گازەتى


قامشىنىڭ «قۇدىرەتى» نەمەسە ايەلدى جازالاۋ مۇسىلماندىقتىڭ شارتى ەمەس - وڭىرلىك باسپا سوزگە شولۋ

«اتىراۋ» گازەتىندە جاريالانعان سۇحباتتا ءدىنتانۋشى، PhD دوكتور ەرشات وڭعاروۆ «تالاق» تۋرالى تۇسىنىك بەرىپ وتەدى. شىندىعىندا شاريعاتتىڭ شەتىن ۇستاپ، نەكەگە بەيجاي قاراي باستاعاندار دا تابىلىپ جاتىر. وسىعان بايلانىستى ءدىنتانۋشى قازاقتىڭ «اق نەكە» ۇعىمىن ءتۇسىندىرىپ، وتباسىنداعى تۇيتكىلدەرگە دە توقتالادى.

«ال، نەكەسىن زاڭدى تۇردە تىركەمەي، تەك شاريعي نەكە قيعىزۋمەن شەكتەلىپ، سودان سوڭ ۇيلەنبەي جاتىپ اجىراسىپ، تالاق بەرىپ جاتقاندار قانشاما؟ ەڭ سوراقىسى دا وسى بولىپ تۇر. بۇرىن- سوڭدى ەل ەستىمەگەن، ۇلتىمىزعا، دىنىمىزگە مۇلدەم جات، جيىركەنىشتى ارەكەتتەر بەلەڭ الىپ بارادى. بىرنەشە ايەلگە ۇيلەنىپ، ەرتەڭىنە «تالاق» دەپ نەكەسىن زاڭداستىرماي، اجىراسىپ جاتقاندار كوبەيدى. بۇل ۇلتتىڭ بولاشاعىنا بالتا شاۋىپ، حالىقتىڭ اراسىنا ىرىتكى سالۋدى كوزدەگەن تەرىس نيەتتەگى ادامداردىڭ ءىس- ارەكەتى ەكەنى انىق. وكىنىشكە قاراي، ءبىزدىڭ ەشتەڭەدەن بەيحابار قاراكوز قىزدارىمىز سولاردىڭ ارباۋىنا وڭاي ءتۇسىپ، سان سوعىپ قالىپ جاتىر. ناتيجەسىندە زاڭسىز تۋعان جەتىم بالالار، جەسىر انالار سانى ارتۋدا. وسىنىڭ ءبارى ءوزىمىزدىڭ سان عاسىرلاردان بەرى كەلە جاتقان ۇلتتىق قۇندىلىقتارىمىزعا، اسىل دىنىمىزگە ءمان بەرمەي، وزگە مادەنيەتكە ەلىكتەۋدىڭ ناتيجەسى بولسا كەرەك» دەيدى ەرشات وڭعاروۆ.

اۆتور: قانات مامەتقازى ۇلى


باستى سوزدەر: قوعام, ايماق,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات