قىتايدا اسىق ويىنى ۇيرەتىلۋدە - فوتو

None
None
بەيجىڭ- اقساي. قازاقپارات - 12- قاڭتاردا ق ح ر- دىڭ گانسۋ ولكەسى اقساي-قازاق اۆتونوميالىق اۋدانىندا قازاقتىڭ اسىق اتۋ ۇلتتىق ويىنىن ۇيرەتۋ كۋرسى اشىلدى.

بۇل تۋرالى قازاقپارات تىلشىسىنە اتالعان ايماقتىڭ «ارمانتاۋ» مادەني بىرلەستىگىنىڭ جەتەكشىسى مارقابا مالىك ۇلى حابارلادى.



«ق ح ر- دىڭ گانسۋ ولكەسى اقساي-قازاق اۆتونوميالىق اۋدانىنداعى «ارمانتاۋ» مادەني بىرلەستىگى (www.armantaw.com) جەرگىلىكتى مادەنيەت جانە سپورت جونىندەگى ورتالىقپەن بىرلەسە وتىرىپ اسىق اتۋدى ۇيرەتۋ كۋرسىن اشتى. قازاق ويىنىنىڭ وسى ءتۇرىن كەڭىنەن تاراتۋ قىتايداعى ۋيچات (WeChat مەسسەندجەرى) جەلىسى ارقىلى جۇرگىزىلەدى»، - دەدى ول.



قىتايدا اسىق ويىنى ۇيرەتىلۋدەسالتاناتتى اشىلۋ راسىمىنە اۆتونوميالىق اۋداننىڭ باسشىلىعى جانە 500 قىز بەن ۇل قاتىستى.



ەسكە سالا كەتسەك، اقساي-قازاق اۆتونوميالىق اۋدانىندا 3 مىڭعا جۋىق قازاق مەكەندەيدى، ال شىڭجاڭ-ۇيعىر اۆتونوميالىق ولكەسىندە ءبىر ميلليوننان استام قازاق دياسپوراسى تۇرادى.

سوڭعى جاڭالىقتار