ب ۇ ۇ قاۋىپسىزدىك كەڭەسىنىڭ وتىرىسىندا افريكاداعى بەيبىتشىلىك ماسەلەلەرى تالقىلاندى
اتالعان جيىندا باتىس افريكاداعى بەيبىتشىلىكتى نىعايتۋ ماسەلەلەرى قارالدى.
«وتىرىستا باتىس افريكا مەن ساحەل (يۋنوۆاس) بويىنشا ب ۇ ۇ ءبولىمىنىڭ باسشىسى جانە ب ۇ ۇ باس حاتشىسىنىڭ ارنايى وكىلى موحاممەد يبن چامباستىڭ 2018-جىلدىڭ ەكىنشى جارتىسىندا ءبولىمنىڭ اتقارعان جۇمىستارى تۋرالى بايانداماسى تىڭدالدى»، - دەلىنگەن حابارلامادا.
مينيسترلىكتىڭ حابارلاۋىنشا، يۋنوۆاس باسشىسى ءوز سوزىندە وڭىردەگى كوپتەگەن مەملەكەتتەردىڭ (ليبەريا، گامبيا، كوت- د'يۆۋار، بۋركينا- فاسو جانە ت. ب.) ساياسي جانە ەكونوميكالىق ومىرىندە وڭ وزگەرىستەر بولىپ جاتقانىن اتاپ ءوتتى.
ايتسە دە، ترانسۇلتتىق قىلمىسپەن بايلانىسقان تەرروريزمنىڭ ءالى دە ايماق تۇراقتىلىعىنا قاۋىپ ءتوندىرىپ وتىرعانىن جاسىرمادى. تۇراقسىزدىقتىڭ وزگە دە سەبەپتەرى رەتىندە كەدەيلىك، جۇمىسسىزدىق جانە ءوڭىر ەلدەرىندەگى ءبىلىم بەرۋدىڭ تومەندىگى اتاپ ءوتىلدى. وسىعان بايلانىستى، م. چامباس اتالعان ماسەلەلەردى شەشۋ ءۇشىن حالىقارالىق قاۋىمداستىقتى كومەك كورسەتۋگە شاقىردى.
قاۋىپسىزدىك كەڭەسى ءتوراعاسى، قازاقستاننىڭ ب ۇ ۇ جانىنداعى تۇراقتى وكىلى قايرات وماروۆ قاۋىپسىزدىكتى نىعايتۋ مەن گۋمانيتارلىق كومەك كورسەتۋ شارالارىنىڭ ەكونوميكالىق دامۋعا كەشەندى جانە كەلىسىلگەن نەگىزدە كومەك كورسەتۋمەن بىرگە، ۇزاق مەرزىمدى تۇراقتى قارجىلاندىرۋدى جۇزەگە اسىرۋ قاجەتتىگىن باسا ايتتى.
اۆتور: ايجان سەرىكجان قىزى