+7 (701) 759 90 19 Лента
9 °С : استانا
6 °С : الماتى
USD 326.00 EUR 382.20
RUB 5.29 CNY 51.05
جاڭالىقتار

قازاقستان پرەزيدەنتىنىڭ ا ق ش- قا ساپارىنان نە كۇتۋگە بولادى - ساراپشى پىكىرى

12 قاڭتار 21:07 383
:ءبولىسۋ
قازاقستان پرەزيدەنتىنىڭ ا ق ش- قا ساپارىنان نە كۇتۋگە بولادى - ساراپشى پىكىرى

استانا. قازاقپارات - ق ر تۇڭعىش پرەزيدەنتى قورى جانىنداعى الەمدىك ەكونوميكا جانە ساياسات ينستيتۋتىنىڭ ساراپشىسى جۇمابەك سارابەكوۆ ەلباسىنىڭ الداعى ا ق ش- قا ساپارىنا قاتىستى پىكىرىمەن ءبولىستى، دەپ حابارلايدى قازاقپارات.

ساراپشىنىڭ پايىمىنشا، ساپار قورىتىندىسىندا ءبىرقاتار ماڭىزدى قۇجاتتارعا قول قويىلاتىن بولادى. اتالعان قۇجاتتار ەكىجاقتى ىنتىماقتاستىققا تىڭ سەرپىن بەرەدى.

«بۇگىنگى كۇنى بارىنشا باسىمدىققا يە سالا ەكونوميكالىق ءوزارا ءىس- قيمىل بولىپ وتىر. بەلسەندى ساياسي ديالوگتىڭ ورىن العانىنا قاراماستان ەكونوميكالىق بايلانىستار تىم تومەن دەڭگەيدە قالىپ وتىر. 2017 -جىلدىڭ قورىتىندىسىندا ءوزارا ساۋدا- ساتتىق كولەمى شامامەن 1,7 ميلليارد دوللاردى قۇرادى. ال بۇل ءبىزدىڭ قارىم- قاتىناسىمىزدىڭ الەۋەتىنە مۇلدەم جاۋاپ بەرە المايدى. سوندىقتان دا ءدال وسى باعىتتا جاڭا ادىستەر ازىرلەنەتىن سياقتى»، - دەدى ج. سارابەكوۆ.

ونىڭ ايتۋىنشا، قازاقستان ءۇشىن اقش ينۆەستيتسيا، تەحنولوگيالار ترانسفەرتى تۇرعىسىنا زور قىزىعۋشىلىق تۋدىرادى. سەبەبى امەريكالىق كومپانيالار بۇل سالاعا قاجەتتى جوعارى تەحنولوگيالارعا يە.

سونىمەن قاتار ساراپشى وڭىرلىك قاۋىپسىزدىكتى قامتاماسىز ەتۋ دە ماڭىزدى ماسەلەلەردىڭ ءبىرى ەكەندىگىنە نازار اۋدارتتى.

«تەرروريزم مەن ەكسترەميزممەن كۇرەستە قازاقستان مەن ا ق ش مۇددەسى ورتاق. ارينە، اۋعانستانعا قاتىستى ىنتىماقتاستىق تا قالىپ، ءوز جالعاسىن تابا بەرەدى. گۋمانيتارلىق سالاداعى ىنتىماقتاستىقتىڭ دا ورنى ەرەكشە»، - دەدى ساراپشى.

  اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات