ءلاززات نۇرقاتوۆا: پرەزيدەنتتىڭ جولداۋى ەلىمىزدە جۇزەگە اسىرىلىپ جاتقان رەفورمالاردىڭ زاڭدى جالعاسى

استانا. قازاقپارات - ەل پرەزيدەنتىنىڭ جولداۋى - قازاقستاندا وسى ۋاقىتقا دەيىن جۇزەگە اسىرىلىپ جاتقان رەفورمالاردىڭ زاڭدى جالعاسى.

ەلباسىنىڭ جولداۋى تۋرالى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ الەۋمەتتىك-ەكونوميكالىق زەرتتەۋ ورتالىعىنىڭ جەتەكشىسى ءلاززات نۇرقاتوۆا وسىلاي دەپ پىكىرىن ءبىلدىردى، دەپ حابارلايدى «قازاقپارات» ح ا ا ءتىلشىسى.

«مەنىڭ ويىمشا، قازاقستان پرەزيدەنتىنىڭ جولداۋىن بۇرىن دا بەلگىلەنگەن رەفورمالاردىڭ، اتاپ ايتقاندا «ۇلت جوسپارى: 100 ناقتى قادام»، «سيفرلى قازاقستان» باعدارلامالارىنىڭ زاڭدى جالعاسى دەپ ايتۋعا ابدەن بولادى»، - دەيدى ءلاززات نۇرقاتوۆا.

ساراپشى سونىمەن بىرگە، مەملەكەت باسشىسى ءوز جولداۋىندا كۇن تارتىبىندە تۇرعان 10 مىندەتتى بەلگىلەپ بەرگەنىن اتاپ ءوتتى.

«مەن اگروونەركاسىپ كەشەنى مەن كولىك- لوگيستيكالىق كەشەننىڭ دامۋىنا ەرەكشە نازارا اۋدارار ەدىم. بۇل باعىتتار حالىقتىڭ جۇمىسپەن قامتىلۋىنا جانە ەكونوميكانىڭ دامۋىنا ەرەكشە سەرپىن بەرەدى. سونىمەن بىرگە، مەملەكەت باسشىسى بانك سەكتورىنىڭ قايتا جاڭعىرتىلۋىن ەسەپكە الۋدى قاداپ ايتتى. دەمەك، حالىققا قارجىلىق قىزمەت قالاي كورسەتىلىپ جاتقانىنا بۇگىنگى تاڭدا ماڭىز بەرۋىمىز كەرەك. پرەزيدەنت سونداي-اق، قاراپايىم ازاماتتاردىڭ قاجەتتىلىگى ءۇشىن نەسيەلىك باعدارلامالاردى كەڭەيتۋدى تاپسىردى. بۇعان قوسا الەۋمەتتىك ساياسات پەن ادامي كاپيتالعا دا ەرەكشە دەن قويىپ وتىر»، - دەيدى ءلاززات نۇرقاتوۆا.

ونىڭ ايتۋىنا قاراعاندا، ق ر پرەزيدەنتى ءتورتىنشى ونەركاسىپتىك رەۆوليۋتسيا جاعدايىندا الەمدىك تەحنولوگيالار كوشىنەن قازاقستاننىڭ قالماۋىنا باسا ماڭىز بەرگەنىن ەرەكشە ايتا كەتكەن دۇرىس.

«بارلىق ءبىلىم باعدارلامالارى مەن مۇعالىمدەردىڭ مارتەبەسىن ارتتىرۋدى قاراستىرۋ كەرەك. بۇگىنگى كۇنى مۇعالىمدەردىڭ ايلىعى تومەن ەكەنى ەشكىمگە قۇپيا ەمەس. مەملەكەت باسشىسى ءوز جولداۋىندا 2016-2017 -جىلى مۇعالىمدەردىڭ، دارىگەرلەردىڭ، مەملەكەتتىك قىزمەتكەرلەرگە بەرىلەتىن الەۋمەتتىك كومەكتىڭ ءۇش ەسەگە كوبەيتىلگەنىن، سونىمەن قاتار زەينەتاقى مولشەرى ارتاتىنىن تىلگە تيەك ەتتى. مۇعالىمدەردىڭ ايلىعى بىلىكتىلىگىنىڭ ارتۋىنا بايلانىستى 30-دان 50 پايىزعا كوبەيەتىنى ايتىلدى»، - دەيدى ول.

ساراپشىنىڭ پىكىرىنشە، الەۋمەتتىك سالادا سيفرلىق تەحنولوگيالاردى دامىتۋدىڭ ماڭىزى زور.

«الەۋمەتتەنۋشى رەتىندە مەملەكەت باسشىسىنىڭ ادامي كاپيتالعا، جاستارعا قولداۋ بىلدىرۋگە كوپ كوڭىل ءبولىپ وتىرعانى قۋانتادى. سەبەبى، ءبىلىم باعدارلاماسى ەڭ الدىمەن ۇرپاقتىڭ قامى ءۇشىن جاسالىپ جاتقان شارۋا. بۇل لوگيكالىق تۇرعىدان ناقتى جۇيەلەنگەن مەملەكەتتىك ساياسات جاھاندانۋ داۋىرىندە ادامنىڭ قابىلەتىن ۇشتاي تۇسەرى ءسوزسىز. مەملەكەت باسشىسىنىڭ ساياساتى قازىرگى قازاقستاندىق تۇرعىنداردى ەڭبەك نارىعىندا سۇرانىسقا يە بولا الاتىنداي، جوعارى ايلىقپەن، ءوز وتباسىن قامتي الاتىنداي جاعدايعا باعىتتالىپ وتىر»، - دەپ ءتۇيدى ءلاززات نۇرقاتوۆا.