اسقار جۇمادىلدايەۆ: جەتىستىگىمنىڭ ءبارى تۋعان جەرىمنەن تامىر تارتادى

قىزىلوردا. قازاقپارات - وسى كۇنگە دەيىن قانداي ناتيجەگە قول جەتكىزسەم، سونىڭ ءبارى تۋعان جەرىمنەن تامىر تارتادى. بۇل تۋرالى قىزىلوردادا وتكەن «تۋعان جەرگە تاعزىم» فورۋمىندا اكادەميك اسقار جۇمادىلدايەۆ ايتتى،

دەپ حابارلايدى قازاقپارت ءتىلشىسى.

 «تۋعان جەر تۋعان ۇيىڭنەن، تۋعان ءۇيىڭنىڭ تابالدىرىعىنان باستالادى. مەن ءۇشىن ول قارا قۇم، قارا جەل، جىڭعىل، توراڭعىل، ۇعىمدارىمەن ساباقتاسىپ جاتىر. بۇل دۇنيەدە جىڭعىلدى، جانتاقتى ەشبىر روزا گۇلىنە دە، باسقاعا دا تەڭەستىرمەس ەدىم. مەنىڭ بويىمدا قانداي دا ءبىر ارتىقشىلىق بولسا، وسى كۇنگە دەيىن قانداي ناتيجەگە قول جەتكىزسەم، سونىڭ ءبارى تۋعان جەرىمنەن تامىر تارتادى»، - دەدى  قىزىلوردادا وتكەن «تۋعان جەرگە تاعزىم» فورۋمىندا اكادەميك اسقار جۇمادىلدايەۆ.

اكادەميكتىڭ ايتۋىنا قاراعاندا، تۋعان جەرگە كەلىپ، تاعزىم ەتۋ، ەلدىڭ الدىندا باس يۋ ۇلكەن مارتەبە.

«بەينەكامەرا مەن تەلەديدار شىعاراتىن «Sony» كورپوراتسياسىنىڭ پرەزيدەنتىنەن: «وسىنشا ءبىلىمدى بولۋىڭىزدىڭ قۇپياسى نەدە؟» دەپ سۇراپتى جۋرناليست. سوندا يسيكاۆا: «ادامنىڭ الاتىن اقپاراتىن 100 پايىز دەپ الساق، ونىڭ 75 پايىزى - 12 جاسقا دەيىن، 15 پايىزى - 6 جاسقا دەيىن، قالعان 5 پايىزى 4 جاسقا دەيىن كىرەدى، قالعان ۋاقىتتا ءبارىبىر كىرمەيدى» دەپ جاۋاپ بەرگەن ەكەن. مەنىڭ اقىل- ويىمنىڭ 99 پايىزى وسى سىر وڭىرىندە وتكىزگەن 12 جىل ىشىندە قالىپتاسقان بولۋى كەرەك»، - دەيدى عالىم.

ايتا كەتەيىك، اتالعان فورۋمعا وبلىس اكىمى قىرىمبەك كوشەربايەۆ جانە سىر وڭىرىندە دۇنيەگە كەلىپ، ەلىمىزدىڭ تۇكپىر- تۇكپىرىندە ەڭبەك ەتىپ جاتقان بەلسەندى تۇلعالار قاتىستى.

اۆتور: ەلۋباي اۋەزوۆ