+7 (701) 759 90 19 Лента
10 °С : استانا
22 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

استىق تاسىمالدايتىن ۆاگوندار پورتتاردا قاڭتارىلىپ تۇرۋعا ءماجبۇر

15 قاراشا 16:15 696
:ءبولىسۋ
استىق تاسىمالدايتىن ۆاگوندار پورتتاردا قاڭتارىلىپ تۇرۋعا ءماجبۇر

 استانا. قازاقپارات - قازاقستاندا اعىمداعى جىلدىڭ 10-ايىندا 6,7 ميلليون توننا استىق تاسىمالداندى. بۇل تۋرالى بۇگىن ۇكىمەت ۇيىندە وتكەن باسپا ءسوز ءماسليحاتىندا «ق ت ج - جۇك تاسىمالى» ا ق- نىڭ پرەزيدەنتى ورالحان قۇلاقوۆ ايتتى، دەپ حابارلايدى قازاقپارات.

  «اعىمداعى جىلدىڭ 10 ايىنىڭ ىشىندە وتكەن جىلدىڭ دەڭگەيىندەگى 6,7 ميلليون توننا استىق تاسىمالداندى. قازاقستاننىڭ گەوگرافيالىق ورنالاسۋى مەن كولىك ينفراقۇرىلىمى ايىنا جاڭا ءتۇسىمنىڭ 1,5 ميلليون تونناسىن تاسىمالداۋ كولەمىن قامتاماسىز ەتۋگە مۇمكىندىك بەرەدى. بۇل 1 ميلليون توننا استىق پەن 300 مىڭ توننا ۇندى قۇرايدى»، - دەدى ول.

ونىڭ ايتۋىنشا، ءتۇسىمنىڭ جاقسى ساپالىق جانە ساندىق كورسەتكىشتەرى استىق پەن ۇن ەكسپورتى قۇرىلىمىنىڭ وزگەرۋىنە ىقپال ەتتى. يتاليا، تۇركيا، يران، اۋعانستان ءتارىزدى الىس ەلدەرگە ەكسپورت ارتتى. بۇل ءوز كەزەگىندە الىسقا تاسىمالداۋدىڭ ارتۋىنا جانە استىق تاسىمالى تۇتىنۋشىلىق پاركى مەن جابىق ۆاگونداردىڭ كوبەيۋىنە سەبەپشى بولدى.

 «پورتتار باعىتىندا استىق تاسىمالداۋ كۇرت ارتتى. كاسپي مەن قارا تەڭىز پورتتارى باعىتىندا ءوسىم بار. بۇعان قوسا، پورتتارداعى بوس تەرمينالداردىڭ بولماۋىنان جانە كەمەلەردىڭ كەلمەۋى سالدارىنان استىق تاسىمالدايتىن ۆاگونداردان استىقتى ءتۇسىرۋ مەرزىمى ۇزارا ءتۇستى. ماسەلەن، 1 - قاراشاداعى جاعدايعا سايكەس اقتاۋ پورتىندا - 1,5 مىڭنان استام، نوۆوروسسييسك پورتىندا 500-دەن استام استىق تاسىمالدايتىن ۆاگون تۇرىپ قالدى»، - دەدى قۇلاقوۆ.

اۆتور: مارلان جيەمباي


:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات