ساۋد ارابياسىنىڭ مينيسترلىگىندە العاش رەت ايەلدەر جۇمىس ىستەمەك

استانا. قازاقپارات - ساۋد ارابياسىنىڭ ادىلەت مينيسترلىگى كورولدىكتىڭ تاريحىندا العاش رەت ۆەدومستۆودا ايەلدەرگە ارنالعان رەسمي قىزمەتتەرگە كونكۋرس جاريالادى، دەپ حابارلايدى ت ا س س.

كونكۋرس مينيسترلىكتىڭ جىكتەلىمى بويىنشا سەگىزىنشى دارەجەگە يە ءتورت كاسىبي باعىت بويىنشا جاريالانعان.

ايەلدەر «الەۋمەتتىك»، «زاڭنامالىق» جانە «زاڭگەرلىك» سالالارداعى «عىلىمي قىزمەتكەر»، سونداي-اق «اكىمشىلىك كومەكشى» ۆاكانسيالارى بويىنشا جۇمىسقا الىنباق.

ۇمىتكەرلەر كەم دەگەندە سالالىق باعىت بويىنشا ماگيستر دارەجەسىنە يە بولۋلارى كەرەك. ەلدىڭ ادىلەت ءمينيسترىنىڭ تاراتقان حابارلاماسىنا قاراعاندا، ىرىكتەۋدەن وتكەن نازىك جاندار ورتالىق اپپاراتتا، كورولدىكتىڭ ءىرى قالالارىندا - ەر-رياد، مەككە، مەدينا جانە داممامداعى بولىمشەلەردە جۇمىسقا ورنالاسا الادى.