تۇركىستانداعى «ياسسى- كۇلتوبە» قالاشىعى اشىق اسپان استىنداعى مۋزەيگە اينالادى - فوتو

شىمكەنت. قازاقپارات - تۇركىستانداعى «ياسسى- كۇلتوبە» قالاشىعى اشىق اسپان استىنداعى مۋزەيگە اينالاتىن بولدى.

بۇل تۋرالى مالىمەتتى وڭتۇستىك قازاقستان وبلىستىق مادەنيەت باسقارماسىنىڭ باسپا ءسوز قىزمەتى تاراتتى، دەپ حابارلايدى قازاقپارات ءتىلشىسى.

باسپا ءسوز قىزمەتى تاراتقان مالىمەتتەرگە قاراعاندا، «ازىرەت سۇلتان» مەملەكەتتىك تاريحي- مادەني قورىق- مۋزەيى رەسپۋبليكالىق ماڭىزى بار ەسكەرتكىشتەر تىزىمىنە ەنگەن. ونداعى «كۇلتوبە» قالاشىعى (1 مىڭ جىلدىق ورتاسى - 14- ع.) - قازاقستانداعى كونە قالانىڭ ورنى سانالادى. قالاشىق قوجا احمەت ياساۋي كەسەنەسىنەن وڭتۇستىككە قاراي 350 مەتر جەردە ورنالاسقان. تاريحي ورىندا سوپاقشا كەلگەن، بيىكتىگى 9 مەتر بولاتىن توبەشىك بار. ەلىمىزدىڭ ءبىلىم جانە عىلىم مينيسترلىگى تاراپىنان بولىنگەن گرانتقا بۇگىندە قالاشىقتا «تۇركىستان ەكسپەديتسياسى» ارحەولوگيالىق قازبا جۇمىستارىن جۇرگىزىپ كەلدى.

 

2013-2014 -جىلدارى قالاشىق اۋماعىن تابيعي فاكتورلاردان قورعاۋ ءۇشىن مەتالل كونسترۋكتسياسى جاسالىپ، توبەسى ۋاقىتشا ماتەريالمەن جابىلعان. ال، اعىمداعى جىلدان باستاپ ق ر مادەنيەت جانە سپورت مينيسترلىگىنىڭ تاپسىرىسى بويىنشا ارحەولوگيالىق قازبا جۇمىستارىن «قازاق عىلىمي- زەرتتەۋ مادەنيەت ينستيتۋتى» جۇرگىزۋدە. سونداي-اق، «قازقايتاجاڭعىرتۋ» ر م ك تاراپىنان جوسپارعا ساي «كۇلتوبە» قالاشىعى ەسكەرتكىشىنىڭ توبەسىن جابۋ جۇمىستارى ىسكە اسىرىلۋدا. «كۇلتوبە» قالاشىعىنداعى عىلىمي- زەرتتەۋ جانە رەستاۆراتسيا جۇمىستارى ەسكەرتكىشتىڭ بارلىق تاريحي كەزەڭدەرىن انىقتاۋعا مۇمكىندىك بەرىپ وتىر. وسىنىڭ نەگىزىندە ەندى قالاشىقتى اشىق اسپان استىنداعى مۋزەيگە اينالدىرۋ كوزدەلىپ وتىر.