گەنەرال-مايور ەركىن بوتاقانوۆ «التىن ادام» سىيلىعىنىڭ لاۋرەاتى اتاندى
بۇل تۋرالى قاراعاندى وبلىستىق اكىمدىگىنىڭ باسپا ءسوز قىزمەتى حابارلادى. وبلىس اكىمدىگىنىڭ باسپا ءسوز قىزمەتى تاراتقان اقپاراتتارعا قاراعاندا، الماتى قالاسىندا، اباي اتىنداعى مەملەكەتتىك اكادەميالىق وپەرا جانە بالەت تەاترىندا «التىن ادام» ۇلتتىق سىيلىعىنىڭ لاۋرەاتتارىنا التىن ساربازدىڭ مۇسىنشەسى تابىس ەتىلدى.
ەلىمىزدىڭ قۇرمەتتى جانە تانىمال ازاماتتارىنان قۇرىلعان قازىلار القاسى 2017-جىلعى مادەنيەت، بيزنەس، مەديتسينا، ونەر، ماسس-مەديا جانە سپورت سالاسىنداعى ۇزدىكتەردى اتادى.
«ورتالىق» ايماقتىق قولباسشىلىعىنىڭ قولباسشىسى گەنەرال-مايور ەركىن بوتاقانوۆ «وتان الدىنداعى قىزمەت» نوميناتسياسىندا «جىل تۇلعاسى» اتاندى.
ەركىن بوتاقانوۆ - قازاقستان رەسپۋبليكاسىنىڭ ءى ءى م ەڭبەك سىڭىرگەن قىزمەتكەرى. وسىعان دەيىن ق ر ءى ءى م ىشكى اسكەر قولباسشىسىنىڭ ورىنباسارى، باس شتابتىڭ باسشىسى بولعان. 2014-جىلدان باستاپ قاراعاندى وبلىسىندا ورنالاسقان «ورتالىق» ايماقتىق قولباسشىلىعىنا قولباسشى لاۋازىمىنا تاعايىندالعان بولاتىن.
«جىل تۇلعاسى - جىل تاڭداۋى» فەستيۆالى حالىقارالىق دارەجەگە يە جانە قازاقستان قىرعىزستان، وزبەكستان، ۋكراينا جانە بەلارۋس سياقتى ت م د- نىڭ بەس ەلىندە وتەدى. جىل سايىن جوبانىڭ قورىتىندىسى رەسمي اۋديتتەن وتەدى. «جىل تۇلعاسى» - «جىل تاڭداۋى» ۇلتتىق جوباسى ساياساتتان الشاق جانە كوممەرتسيالىق شار بولىپ تابىلادى.