فينليانديادان شىققان العاشقى كونتەينەرلىك پويىز قازاقستان ارقىلى قىتايعا بەت الدى
دەپ حابارلايدى قازاقپارات «قازاقستان تەمىر جولىنىڭ» باسپا ءسوز قىزمەتىنە سىلتەمە جاساپ.
كوۋۆولا ستانساسىنداعى تۇڭعىش پويىزدى شىعارىپ سالۋ سالتاناتىنا قازاقستان ەلشىلىگىنىڭ وكىلدەرى، فينليانديا ادىلەت ءمينيسترى، كوۋۆولا قالاسىنىڭ مەرى، ق ر، ق ح ر، رەسەي ساۋدا وكىلدىگىنىڭ، شيان قالاسىنىڭ، باسقا دا كولىك- لوگيستيكالىق كومپانيالاردىڭ جەتەكشىلەرى قاتىستى.
ورمان اعاشتارىن تيەگەن پويىز 8,5 مىڭ شاقىرىمدى 10 كۇندە ءجۇرىپ وتەدى. ونىڭ ءۇش مىڭ شاقىرىمى قازاقستان اۋماعىنا كىرەدى. «قورعاس- شىعىس قاقپاسى» ا ە ا قۇرعاق پورتىندا باسقا ۆاگونعا اۋىستىرىلىپ، التىنكول شەكارالىق ستانساسىنان وتەدى.
«فينليانديامەن تەمىرجول سالاسىنداعى سەرىكتەستىكتى تابىستى دەپ اتاۋعا بولادى. جاقسى ءىس جالعاسىن تاباتىنى ءسوزسىز. قازاقستان اۋماعى ارقىلى كونتەينەرلىك پويىزدىڭ فينليانديادان - قىتايعا، ودان كەرى قارايعى باعداردا ترانزيتتىك جۇكتەردى تاسىمالداۋى جوباعا قاتىسۋشى ەلدەر ءۇشىن ماڭىزدى وقيعا» ، - دەيدى «KTZ Express» ا ق كونتەينەرلىك تاسىمالداۋ دەپارتامەنتىنىڭ ديرەكتورى المات كارىموۆ.
سولتۇستىك ەۋروپادان قىتايعا كونتەينەرلىك پويىزدى جاساقتاۋدى «KTZ Express» ا ق مۋلتيمودالدىق لوگيستيكالىق كومپانياسى مەن فيندىك «Couvola innovation Oy» كومپانياسى جۇزەگە اسىردى. كوۋۆولا - بۋسلوۆسكايا - التىنكول - سيان باعدارىمەن تاسىمالداناتىن جۇكتەردىڭ جىلدىق بولجامدى شاماسى 1 ميلليون تونناعا جەتەدى.
اتاپ وتەرلىگى، 2016 -جىلى جەلتوقساندا قازاقستان، فينليانديا، رەسەي، قىتاي اراسىنداعى «شىعىس كولىك ءدالىزى» كەلىسىمىنە قول قويىلدى.