قازاقستان كوگىن قالقالاعان قارۋلار

 استانا. قازاقپارات - ەكىنشى دۇنيەجۇزىلىك سوعىستان كەيىن الەمدە قارۋلانۋ باسەكەسى باستالعانى ءمالىم. سول زاماننان باستاۋ العان بايگە قازىرگە دەيىن دامىل تاپقان جوق.

 تيگەن جەرىن جىلان جالاعانداي تازالاپ تاستايتىن يادرولىق قارۋدىڭ سىناعى توقتاتىلدى دەمەسەڭىز، قارۋلانۋدىڭ باسقا سالالارى توقىراۋعا ءتۇسىپ كورگەن ەمەس. بۇگىنگى تاۋەلسىز قازاقستان دا الەمنىڭ ءبىر بولشەگى رەتىندە بۇل ۇردىستەن شەت قالا المايدى. ورنالاسقان اۋماعىنا بايلانىستى دا قازاقستان قارۋىنىڭ قۋاتتى بولۋى قاجەتتىلىكتەن تۋىندايدى. اسىرەسە، اۋە قورعانىسى الدىڭعى ساپتا ءجۇرۋى شارت. سەبەبى، اۋە قاۋىپسىز بولماسا، جەردەگى تىراشتانۋ بوس اۋرەشىلىك بولىپ شىعادى. ەندەشە، قازاقستاننىڭ كوگىن قانداي قارۋلار قاراۋىلداپ تۇر؟

 بىرگە زەردەلەپ كورەيىك. س-125 شاعىن راديۋستى زەنيتتى- زىمىراندىق كەشەنى. العاش 1961 -جىلى ك س ر و قارۋلى كۇشتەرى قولدانىسقا ەنگىزگەن. بيىكتىگى 20-1800 مەتردەگى اەروديناميكالىق، پيلوتتى جانە پيلوتسىز ۇشۋ قۇرالدارىن جويۋعا ارنالعان. زىمىراننىڭ ۇشۋ قاشىقتىعى 2,5-3,5 شاقىرىم.

س-200 زەنيتتى زىمىراندىق كەشەنى. الىس قاشىقتىققا ۇشاتىن زىمىراندارمەن جاراقتالعان كەڭەستىك قارۋ. كەڭ كولەمدى الاڭداردى بومبارديرلەر مەن باسقا دا ۇشۋ قۇرالدارىنان قورعاۋعا نەگىزدەلگەن. قارۋ 1964 -جىلى قۇراستىرىلىپ، 1967 -جىلى قولدانىسقا ەنگىزىلگەن.

س-300پس زەنيتتى- زىمىراندىق كەشەنى. ق ر قارۋلى كۇشتەرىنىڭ قولدانىسىندا 2013 -جىلدان بەرى بار. قۇرىلىم 300 شاقىرىم قاشىقتىقتاعى كەز كەلگەن ۇشۋ نىساناسىن جويا الادى. نەگىزگى ءوندىرۋشىسى - رەسەي فەدەراتسياسى. جۇيە 1985 -جىلى قولعا الىنىپ، 1993 -جىلى رەسەي قارۋلى كۇشتەرىنىڭ ساپىندا قولدىنىلا باستاعان. ءوز بۋىنىندا بۇل قارۋ الەمدەگى ۇزدىكتەردىڭ قاتارىندا. قازىرگى ق ر قارۋلى كۇشتەرىنىڭ ساپىندا بۇل قارۋدىڭ بىرنەشە داناسى بار. اتى شۋلى س زىمىراندىق كەشەندەرىنىڭ 5 بۋىنىنا ءدوپ كەلەتىن بۇل جۇيەنىڭ بولۋى، كەز كەلگەن ارميانىڭ ايبىنىن اسىرا الادى. دەگەنمەن، وزىنەن كەيىنگى س-400 جانە امەريكالىق Patriot- ءتىڭ جاڭا بۋىندارىمەن سالىستىرعاندا ءبىرشاما ەسكىرىپ قالعانىن مويىنداۋىمىز كەرەك.

 نايزا. قارۋ 2007 -جىلى يزرايلدىك Israel Military Industries كومپانياسىنىڭ اتسالىسۋىمەن قۇراستىرىلعان. ايتا كەتەرلىگى، بۇل قارۋ قازاقستاننىڭ مەنشىكتى جاراعى. ءوندىرىس 2008 -جىلى پەتروپاۆل اۋىر كولىك قۇراستىرۋ زاۋىتىندا جولعا قويىلعان. جۇيە 122 م م رەاكتيۆتى "گراد"، 220 م م رەاكيۆتى "ۋراگان" سناريادتارىمەن سوعىس جۇرگىزە الادى.

 

 دايىنداعان: مۇحامەتجان دىنمۇحامەد

Massaget.kz