تەرەڭدە جاتقان تەمىرلىك

 استانا. قازاقپارت - تەرەڭگە ءتۇسىپ كەتكەندەي كورىنەتىن تەمىرلىك شاتقالى الماتى وبلىسىنداعى كورىكتى مەكەندەرىنىڭ ءبىرى بولعانىمەن، كوپشىلىككە ءالى كۇنگە دەيىن بەيتانىس.

 تەمىرلىك شاتقالى دا شارىن سەكىلدى، ءبىراق شوگىندى جىنىستارى بەلگىلى ءبىر كولەممەن شەكتەلەدى.

شاتقالدىڭ ارناسى ارقىلى وزىمەن اتتاس وزەن اعىپ جاتىر. ول - شارىن وزەنىنىڭ ەڭ سوڭعى ءىرى سالاسى.

شاتقال بىرنەشە بولىكتەن تۇرادى. شاتقالدىڭ ءبىرىنشى بولىگى كەتپەن جوتاسىنىڭ الدىندا جاتىر. تەمىرلىك وزەنى وسى جوتادان باستالادى. شاتقالدىڭ تەرەڭدىگى ءارقيلى. باستاپقى بولىگى 100 مەترگە، كەلەسى بولىگى 160 مەترگە دەيىن جەتەدى.

تەمىرلىكتىڭ تەرەڭ قۇز جارتاستارعا باي اڭعارىنان بولەك، قالىڭ اعاش، جاسىل- جەلەك استىندا سىلدىراپ اققان وزەندى وازيسى بار. ودان ارى شاتقالدىڭ ەڭ قىزىقتى تۇسى باستالادى. ول جەردەن ميلليونداعان جىلدار بويى سۋدىڭ شوگىندى جىنىستاردى تەرەڭ تىلگىلەگەن تاماشا شاتقالىنا كۋا بولاسىز. جەل مەن سۋ مۇجىگەن الۋان ءتۇرلى مۇنارا سەكىلدى مۇسىندەر مەن قامال- قابىرعالار تەمىرلىكتىڭ ءار شاتقالىندا كەزدەسەدى. وسى عاجايىپتاردىڭ ەشبىرىن تابيعات ءبىر- بىرىنە ۇقساتپاعان.

 

دوسجان بالابەك ۇلى، الماتى وبلىسى

سۋرەتتەردى تۇسىرگەن اۆتور

«ايقىن»