+7 (701) 759 90 19
USD 425.07 EUR 494.14
RUB 6.06 CNY 66.55
جاڭالىقتار

دارىگەر جازۋىنىڭ تۇسىنىكسىز بولۋ سەبەبى

14 قازان 14:43
:ءبولىسۋ
دارىگەر جازۋىنىڭ تۇسىنىكسىز بولۋ سەبەبى

نۇر-سۇلتان. قازاقپارات - مەديتسينالىق قۇجاتتارداعى، كارتاداعى جازۋلارعا كوزىڭىز تۇسسە، ونى وڭايلىقپەن وقي المايسىز، جازۋ جامان ءارى تۇسىنىكسىز.

بۇل جازىلعانداردى وزدەرى تۇسىنە مە ەكەن دەگەن وي كەلەدى. مۇنىڭ سەبەبى نەدە؟ ولار وتە كوپ جازادى، ءتىپتى شەكتەن تىس كوپ جازادى. ەمحانادا حيرۋرگ دارىگەردىڭ قابىلداۋىنا ون مينۋت، تەراپيەۆكە ون ەكى- اق مينۋت بەرىلەدى. ولار وسى سانالى مينۋت ىشىندە ناۋقاستى قاراپ، جاعدايىن تەكسەرىپ، بارلىعىن قاعازعا ءتۇسىرىپ ۇلگەرۋى ءتيىس.

وسىندايدا تەز- تەز قوزعالماسا، بار شارۋانى بىتىرە المايدى. ۋاقىت قىسىپ جاتقاندا، ادەمىلەپ جازىپ وتىرۋ مۇمكىن ەمەس. ەل اراسىندا اۋرۋ تۋرالى جازىلعاندار پروكۋروردى دا بەيجاي قالدىرمايدى دەگەن ءازىل بار. سەبەبى وقىس جاعداي بولا قالسا، بارلىعىن باسىنان باستاپ تەكسەرۋ كەرەك بولادى، دارىگەردىڭ جازعانىنىڭ بارلىعى دەرلىك تەكسەرىستەن ءوتىپ، ول قاتەلىك جىبەردى مە، جوق پا انىقتالادى. بۇل قاۋىپتى جاعداي. ءتىپتى تاريح بەتتەرىندە مىناداي دا جاعدايلار كەزدەسەدى.

ءبىر دارىگەردىڭ جازعانىن ەكىنشى دارىگەر تۇسىنبەگەندىكتەن، ەمدەۋدىڭ كەلەسى كەزەڭى دۇرىس جۇرگىزىلمەگەن. وقيعانىڭ اقىرى سوتقا اپارىپ تىرەلگەن، ال اۋرۋحانا سول ءۇشىن ايىپپۇل تولەۋگە ءماجبۇر بولعان.

ءبىراق نەگىزىنەن كوپ جاعدايدا باسقالارعا قاراعاندا دارىگەرلەر ءبىر- ءبىرىنىڭ جازعانىن جەڭىلىرەك تۇسىنەدى، لوگيكاعا سالسا، بارلىعى الدىندا تۇسىنىكتى جازۋعا كوشەدى. ءوزى تۇسىنبەي جاتسا، وزگە ارىپتەسىنەن سۇراۋىنا بولادى. الايدا تاجىريبە ارقىلى دارىگەرلەر ءبىر- ءبىرىنىڭ جازۋىن جازباي تانيتىن دەڭگەيگە جەتەدى. ادامدار جازۋىنا قاراپ، مىنەزىن تانى دەپ جاتادى. بايقاعاندارىڭىزداي، مىنەزى سابىرلى، ءبىرتوعا دارىگەرلەر ىلۋدە بىرەۋ كەزدەسەدى. سەبەبى اۋرۋ ادام - اشۋشاڭ. وڭكەي قيىن جاعدايداعى ادامدارمەن ارالاسقان سوڭ، ولاردىڭ دا ەموتسياسىنا، كوڭىل كۇيىنە اسەر ەتپەي قويمايدى. ولارعا دا تۇسىنىستىكپەن قاراعان ابزال.





:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات