سوزدەن ىسكە كوشكىڭىز كەلسە

 استانا. قازاقپارات -ءبىز كوپ ويلانامىز. ىسكە كوشۋگە دايىن بولمايمىز. وعان بىرنەشە سەبەپ بار: قورقامىز، ناتيجە بەرمەيدى دەپ ويلايمىز، ويدا جۇرسە ءبىر كۇنى جاسايمىز دەپ تۇيەمىز. ال، شىندىعىندا جۇلدىزدى ءساتتى كۇتۋدىڭ قاجەتى جوق.

كۇلكىلى بولار، ءبىراق اشۋلانىڭىز!

ويىڭىز ىسكە اسپاي قالسا، ءسىز ءوزىڭىزدى تورعا تۇسكەن شىبىن سەكىلدى سەزىنەسىز. سەبەبى قوزعالىس بولمايدى. وسىنداي ساتتە اشۋلانىڭىز. سپورت سالاسىندا جۇرگەن مامانداردىڭ ايتۋىنشا، ادام جەڭىلىپ بارا جاتقان كەزدە اشۋعا بەرىلسە، ونىڭ بويىندا سوڭعى ءبىر كۇش جەتەلەپ، جەڭىسكە اپارادى دەيدى. سوندىقتان بويىڭىزداعى كۇشتى جيناپ، اشۋلانىپ الىڭىز دا، وزىڭىزگە سەنىم ارتىپ، العا باسىڭىز.

 ۋاقىتقا قاراڭىز

 ەگەر ءسىز وسى جۇمىستى بىلتىر باستاعان بولساڭىز، قازىر ناتيجەسىن كورەر ەدىڭىز. الاڭداماڭىز، بۇگىن باستاڭىز، ءبىر ايدان كەيىن جاۋابىن الاسىز. ۋاقىتقا قاراڭىز، ول توقتامايدى. سىزبەن جارىسىپ كەلەدى.

از ويلانىپ، كوپ جۇمىس ىستەۋ كەرەك

جوعارىدا اتاپ وتكەنىمىزدەي، اسا كوپ ويلانىپ، ۋاقىت جوعالتۋدىڭ قاجەتى جوق. ەكى- اق رەت ويلانۋ كەرەك: قانداي ءىس جاسايمىن، ول ءىس جاقسى ما، جامان با. ءارى قاراي سىزگە قوزعالۋ كەرەك. قالعانى تاۋەكەل مەن ەڭبەكتىڭ ماسەلەسى.

ءسىزدى جۇباتاتىن سوزدەردەن اۋلاق بولىڭىز

«مەنىڭ قولىمنان كەلمەيدى» ، «نەدەن باستارىمدى بىلمەيمىن» ، «كەيىن ىستەرمىن» . وسى سوزدەردەن ارىلىڭىز. بۇل دەرتىڭىزگە اينالماسا، سىزگە كومەكتەسپەيدى.

ءساتى كەلسە، قونشىنان باسىڭىز

ءار نارسەنىڭ ءوز ۋاقىتى بار. ءبىراق كەي ساتتەر تاپ سول كەزدە ۇستاپ قالۋدى قالايدى. سوندىقتان ءدال سول ءسات تۋعان كەزدە قولىڭىزدان جىبەرىپ الماڭىز. كۇتپەڭىز، كىرىسىڭىز. بالكىم باق شابادى، بالكىم باپ شابادى. باستىسى، ءسىز توقتاپ قالۋدى ويلاماڭىز.

Massaget.kz