18:12, 17 - قىركۇيەك 2017 | GMT +6
گولوۆكيننىڭ كومپانياسى ح ك ب فەدەراتسياسىنا شاعىم جاساۋى كەرەك - ەرماحان ىبىرايىموۆ
استانا. قازاقپارات - بوكستان وليمپيادا چەمپيونى ەرماحان ىبىرايىموۆ قازاقستاندىق بوكسشى گەننادي گولوۆكين مەن مەكسيكالىق ساۋل الۆارەستىڭ جەكپە-جەگىنە بايلانىستى ءوز ويىمەن ءبولىستى، دەپ حابارلايدى قازاقپارات ءتىلشىسى.
«بوكستى باستان-اياق كورىپ شىقتىم. تورەشىلەر قالاي تەڭ ويىن كورسەتتى دەپ شەشىم شىعاردى، تۇسىنبەدىم. مەنىڭ ويىمشا گەنا جەڭدى. تورەشىلەر 3:0 ەسەبىمەن گەناعا بەرۋى كەرەك ەدى. جەكپە-جەكتىڭ قىزۋى باسىلعان جوق. ۋاقىتتى سوزباي، گەنناديدىڭ پروۋمەتورلارى حالىقارالىق كاسىپقوي بوكس فەدەراتسياسىنا جەكپە-جەكتىڭ قورىتىندىسىن قايتا قاراۋدى ۇسىنىپ، ارىز جازۋلارى كەرەك. تورەشىلەر دۇرىس شەشىم شىعارعان جوق»، - دەپ اتاپ ءوتتى ەرماحان ىبىرايىموۆ.
اۆتور: كۇنسۇلتان وتارباي