گولوۆكين-الۆارەس جەكپە-جەگى ۇلكەن شوۋ - مىرزاعالي ايتجانوۆ
- مىرزاعالي قۇلان ۇلى، بۇگىن ا ق ش- تىڭ لاس- ۆەگاس قالاسىندا وتكەن جەكپە-جەكتە قازاقستاندىق بوكسشى گەننادي گولوۆكين مەن مەكسيكالىق ساۋل الۆارەستىڭ بوكس كەشىندە كىم باسىم بولدى دەپ ويلايسىز؟
- مەن بۇل بوكس كەشىنەن ساۋل الۆارەستىڭ گەنناديمەن تەڭ دارەجەدە جۇدىرىقتاسقانىن كورگەن جوقپىن. جالپى، 12 راۋندتىڭ 9 ىندا گەننادي باسىم ءتۇستى. ال ءۇش راۋندتا عانا الۆارەس ءوز مۇمكىندىگىن پايدالاندى دەپ ەسەپتەيمىن.
- نەگىزى، وسى ايقاستان نوگداۋىن، نوكاۋد كۇتتىڭىز بە؟
- بۇل ەكى مىقتى اراسىندا وتكەن ايقاس بولعاندىقتان ءاۋ باستا، نوكاۋد بولمايتىنى بەلگىلى بولدى. ءوز باسىم 12 راۋندقا سوزىلاتىنىن الدىن الا سەزدىم. ءبىراق ايقاس تەڭ دارەجەدە ايقاس بولادى دەپ ويلاعان جوقپىن.
- تورەشىلەردىڭ شەشىمىمەن كەلىسەسىز بە؟
- ءوز باسىم كەلىسپەيمىن. ءبىزدىڭ گەنا ودان الدە قايدا باسىمىراق بولدى.
- تورەشىلەردىڭ بۇل شەشىمىنىڭ استارىندا نە بار بولۋى مۇمكىن؟
- بۇل جاي جەكپە-جەك ەمەس. ۇلكەن شوۋ. سوندىقتان ۇيىمداستىرۋشىلاردىڭ ءوز ويلارى بار. شوۋدى ۇيىمداستىرۋشىلاردىڭ حالىقتى قايتادان قىزىقتىرۋ، ەلىكتىرۋ سياقتى ساياسي ويىنى جاتىر. وسى ارقىلى تاعى دا ۇلكەن اقشا جاساۋ كەرەك بولۋى ابدەن مۇمكىن.
- الداعى ۋاقىتتا ەكى بوكسشى قايتادان جولىعۋى مۇمكىن بە؟
- ابدەن مۇمكىن، ەكى كومپانيا قوماقتى اقشاعا كەلىسىپ جاتسا، ءبارى دە مۇمكىن. قازىر كاسىپقوي بوكس تاپ-تازا اقشا. ۇلكەن اتىس ويىنى. سوندىقتان جىل جاڭالانباي، قوس بوكسشى قايتا جولىعىپ جاتسا تاڭقالمايمىز.
- اڭگىمەڭىزگە راحمەت!
اۆتور: كۇنسۇلتان وتارباي