+7 (701) 759 90 19 Лента
20 °С : استانا
23 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

گولوۆكيننىڭ تابىسى قالاي ءوستى

17 قىركۇيەك 14:15 615
:ءبولىسۋ
گولوۆكيننىڭ تابىسى قالاي ءوستى

استانا. قازاقپارات - بۇگىنگى جەكپە-جەككە دەيىن گەننادي گولوۆكيننىڭ ەڭ ۇلكەن گونورارى 4 ميلليون دوللار بولعان.

ءبىر جىلدىڭ ىشىندە اتالعان سومما ءۇش ەسەگە ۇلعايىپ وتىر، دەپ حابارلايدى قازاقپارات ءتىلشىسى.

2013 -جىلى 19 -قاڭتاردا گولوۆكيننىڭ امەريكالىق گابريەل روسادوعا قارسى جەكپە-جەكتەن تۇسكەن تابىسى 350 مىڭ دوللار بولدى. ماۋسىم ايىندا يرلاندىق مەتيۋ ماكلينمەن جۇدىرىقتاسقانى ءۇشىن تۋرا سونداي گونورار الدى. ال جىلدىڭ سوڭىندا امەريكالىق كەرتيس ستيۆەنستى جەڭگەنى ءۇشىن GGG- دىڭ تابىسى 50 مىڭ دوللارعا ارتىپ، 400 مىڭدى قۇراعان ەدى.

2014 -جىلى 26 -شىلدەدە اۆستراليالىق دەنيەل گيلدى قۇلاتقانى ءۇشىن - 750 مىڭ دوللار، ال قازاندا ماركو انتونيو رۋبيونى نوكاۋتپەن جەڭگەنى ءۇشىن 900 مىڭ دوللار ۇتقان.

2015 -جىلدىڭ باسىندا گولوۆكيننىڭ گونورارى العاش رەت ءبىر ميلليون دوللاردان استى. سول كەزدە ول بريتاندىق مارتين ميۋررەيدەن باسىم ءتۇستى. بىرنەشە ايدان كەيىن كىشى ۆيللي مونرونى سۇلاتىپ سالعانى ءۇشىن 1,5 ميلليون دوللاردى الىپ كەتتى.

ال كانادالىق داۆيد لەمەگە قارسى شىققانى ءۇشىن گولوۆكين 2 ميلليون دوللار كولەمىندەگى گونورارعا قول جەتكىزگەن. امەريكالىق دومينيك ۋەيدكە قارسى جەكپە-جەكتە اقشا جاعىنان كوپ وزگەرىس بولعان جوق.


:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات