+7 (701) 759 90 19 Лента
20 °С : استانا
23 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

گولوۆكين جانە الۆارەس: تريلوگيانىڭ كۋاگەرى بولامىز با

17 قىركۇيەك 13:32 797
:ءبولىسۋ
گولوۆكين جانە الۆارەس: تريلوگيانىڭ كۋاگەرى بولامىز با

استانا. قازاقپارات - بۇگىن ا ق ش- تىڭ لاس- ۆەگاس قالاسىندا وتكەن جەكپە-جەكتە قازاقستاندىق بوكسشى گەننادي گولوۆكين مەن مەكسيكالىق ساۋل الۆارەس تەڭ ءتۇستى.

الداعى ۋاقىتتا ەكى بوكسشى دا رەۆانش وتكىزۋگە ءازىر.

الايدا بۇعان دەيىن "كانەلونىڭ" پروموۋتەرى وسكار دە لا حويا "GGG- Canelo" تەكەتىرەسىن تريلوگياعا، ياعني ءۇش جەكپە-جەككە دەيىن سوزۋعا لايىقتى ەكەنىن ايتقان بولاتىن، دەپ حابارلايدى قازاقپارات ءتىلشىسى.

«كىم بىلەدى، بالكىم، وسى جەكپە-جەكتەن كەيىن تاعى ءبىر ايقاستى ۇيىمداستىرامىز. بۇل تەكەتىرەس تريلوگياعا سۇرانىپ تۇر. موحاممەد ءالي مەن دجو فرەيزەر، ماركو انتونيو باررەرا مەن ەريك مورالەس - بۇنىڭ بارلىعى تاريحتا ۇلى تريلوگيالار بولىپ قالدى. ناعىز بوكس دەگەن وسى»، - دەگەن بولاتىن دە لا حويا ەكى اي بۇرىن بەرگەن ءبىر سۇحباتىندا.

ايتا كەتكەن ءجون، وسى جولعى جەكپە-جەكتى ۇيىمداستىرۋىمەن تولىعىمەن الۆارەستىڭ جاعى اينالىستى. GGG- دىڭ پروموۋتەرى - توم لەفلەر بۇل جۇمىسقا قاتىسقان جوق. ەكىجاقتى كەلىسىمنىڭ شارتى سولاي بولدى.

ال امەريكالىق باپكەر روبەرت گارسيا بىردەن «گولوۆكين - الۆارەس» جەكپە-جەگىنىڭ ءبىر عانا كەزدەسۋمەن شەكتەلمەيتىنىنە بولجام جاساعان بولاتىن. «بالكىم، ارعى جاعى تريلوگياعا ۇلاسۋى ابدەن مۇمكىن. ال وسى تريلوگيادان كەيىن GGG زەينەتكە شىقسا دا بولادى. سەبەبى ول قىرۋار تابىسقا قول جەتكىزە الادى. "كانەلو" ءوز جولىن جالعاستىرادى. GGG بولسا، قالتاسىنا 30 ميلليوندى سالىپ الىپ، بوكسپەن قوشتاسا الادى. كىم بىلەدى، بالكىم ودان دا كوپ اقشا تاباتىن شىعار»، - دەدى گارسيا.

 


باستى سوزدەر: سپورت, الةم, ئقپالداستئق,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات