+7 (701) 759 90 19 Лента
20 °С : استانا
23 °С : الماتى
USD 338.78 EUR 392.82
RUB 5.35 CNY 52.62
جاڭالىقتار

ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

17 قىركۇيەك 12:31 201
:ءبولىسۋ
ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

الماتى. قازاقپارات - قازنەتتىڭ جۇلدىزى، ينستاگرامداعى ەڭ تانىمال ءبۇلدىرشىن امينكا- ۆيتامينكا مەكتەپ تابالدىرىعىن اتتادى.

ءبۇلدىرشىن الماتىداعى №15 مەكتەپ گيمنازياسىنىڭ 1-سىنىبىندا ءبىلىم الىپ جاتىر. جەلىدە 682 مىڭ جازىلۋشىسى بار امينانىڭ مەكتەپتەگى ءومىرى قالاي ءوتىپ جاتقانىن ءوز كوزىمىزبەن كورىپ قايتتىق.

تانىمال ءبۇلدىرشىن مەكتەپتىڭ دە جۇلدىزى بولىپ ۇلگەرگەن. قوڭىراۋ سوعىلعاننان-اق كلاسقا كەلىپ، امينامەن سۋرەتكە تۇسەم دەۋشىلەردىڭ قاراسى كوبەيىپ كەتتى.

ءتىپتى دالىزدە دە جوعارعى سىنىپ وقۋشىلارى ونى تانىپ سەلفي جاساۋ مۇمكىندىگىن قالت جىبەرمەي جاتىر.

امينانىڭ ۇستازى مانشۇك مەيىرحان قىزى ءوزىنىڭ ەرەكشە وقۋشىسىنىڭ بىلىمگە دەگەن ىنتاسى تۋرالى ايتتى.


ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو 

«ينتەرنەتتە بۇزىق امينامىز بيازى، اقىلدى، ادەپتى بالا. ءوزىنىڭ تارتىپتىلىگىمەن بىردەن كوزگە ءتۇستى. سۋىرىلىپ جاۋاپ بەرەدى، ءوز پىكىرىن اشىق، ەمىن- ەركىن ايتا الادى. ءبىزدىڭ قازىرگى باعدارلامانىڭ ءوزى بالانىڭ ءوز ويىن اشىق جەتكىزۋىنە باعىتتالعان. پەداگوگ رەتىندە ايتارىم، ەرەكشە تانىمالدىلىق بالانىڭ پسيحولوگياسىنا اسەر ەتەدى. ءبىراق مەنىڭ وقۋشىم ءالى كىشكەنتاي بولعاسىن ونداي جۇلدىز اۋرۋىنا شالدىقپاعان. اتا-اناسى دا قاراپايىم»، - دەدى مانشۇك مەيىرحان قىزى.

 
ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

ونىڭ ايتۋىنشا، بالالار العاشقى قوڭىراۋدا- اق امينانى قورشاپ الىپ، سۋرەتكە تۇسكەن.

 
ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

ينستاگرام جۇلدىزىنىڭ اناسى ارايدىڭ ايتۋىنشا، قىزى مەكتەپكە بارعالى بەرى باسقا جوسپارلاردىڭ بارلىعى كەيىنگە شەگەرىلگەن. ەڭ ءبىرىنشى باسىمدىق ساباق وقۋعا بەرىلىپ وتىر.

ساباقتان تىس ۋاقىتتا ءبۇلدىرشىن سەريالعا ءتۇسىرۋ جۇمىستارىنا بارادى. كينودا امينا مەن ءسىڭىلىسى ەكەۋى وزدەرىنىڭ رولدەرىن سومدايدى.

ءتۇسىرىلىم توبى ەندى امينانىڭ ۋاقىتىنا قاراي يكەمدەلەتىن بولادى.

اناسىنىڭ ايتۋىنشا، ساباق - ءبىرىنشى ورىندا.

 
ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

ومىردەگى امينا وتە سەزىمتال قىز، قاراپايىم وقۋشى. ءتىپتى ينستاگرامدا قانشا جازىلۋشىسى بارىن دا بىلمەيدى، كوممەنتتەردى وقىمايدى. اتا-اناسى بالالارعا پلانشەت، سمارتفون، ءتۇرلى گادجەتتەردى قاراۋعا تىيىم سالعان.

 
ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

«قىزىم مەكتەپكە بارعالى اندا- ساندا تەلەديداردان مۋلتفيلم عانا كورسەتەمىز. ويتكەنى ساباعىن ورىنداۋ كەرەك، ۋاقىتىمىز جەتپەيدى. ال اميانىڭ كوزىندە پروبلەما بار. كەيدە عانا وزدەرىنىڭ يۋتۋبتاعى كانالىن كورەدى»، - دەدى اناسى اراي.

 
ينستاگرامنىڭ ەڭ كىشكەنتاي جۇلدىزى قالاي وقىپ جاتىر - فوتو

كامەرادان تىس امينا ادەتتەگى 6 جاستاعى ءبۇلدىرشىن. بالارمەن دوس بولعاندى جاقسى كورەدى. سىڭلىلەرىن قارايدى، كومەكتەسەدى. بىرگە ۇيىقتايدى. سۋرەت سالعاندى، كوشەدە ويناعاندى، روليك تەپكەندى ۇناتادى. ينتەرنەتتى قۋ، بۇزاقى امينا تەك قانا وبرازدان تۋعان.

بولاشاقتا امينا اكتريسا بولعىسى كەلەدى. وسى ماقساتىنا اقىرىنداپ جەتىپ تە قالدى.

اناسىنىڭ ايتۋىنشا، بۇرىن ۆاين تۇسىرۋگە اناسى رەجيسسەر بولسا، ەندى اقىرىنداپ ءوزىنىڭ دە ويى قالىپتاسىپ كەلەدى.

«ءبىز تۇسىرگەن ۆاينداردىڭ بارلىعى ومىردەن الىنعان. ماسەلەن، ينتەرنەتتى جارعان «سىڭلىمنەن پلانشەتتى قالاي تارتىپ الۋعا بولادى؟» دەگەن قىزىق روليك وزدەرىنىڭ باستارىنان وتكەن جاعداي. وتباسىمىزدا ءتۇرلى قىزىقتى جاعدايلاردى وسىلاي ينستاگرام ارقىلى ساقتاپ ءجۇرمىز. كەيدە سول قىزىقتى روليكتەر ۆاتساپ ارقىلى وزىمىزگە قايتىپ كەلەدى»، - دەدى اناسى اراي.


باستى سوزدەر: الةم,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات