14:49, 16 - قىركۇيەك 2017 | GMT +6
قازاقستاننىڭ مەرەيلى وتباسى قاراعاندىدان تابىلدى - فوتو
استانا. قازاقپارات - بۇگىن استاناداعى «قازاقستان» ورتالىق كونسەرت زالىندا «مەرەيلى وتباسى» ۇلتتىق كونكۋرسىنىڭ فينالدىق كەزەڭىنىڭ جەڭىمپازى انىقتالدى، دەپ حابارلايدى قازاقپارات.
2017 -جىلعى ۇلتتىق بايقاۋدىڭ لاۋرەاتى اتاعىنا قاراعاندى وبلىسىنان كۋريلەنكو وتباسى يەلەندى. 7-15 - قىركۇيەك ارالىعىندا sms/ينتەرنەت ارقىلى داۋىس بەرۋ ناتيجەسىندە كوپ داۋىس جيناعان اتالعان وتباسى بايقاۋ جەڭىمپازى اتاندى.
سونىمەن قاتار بۇگىنگى سالتاناتتى شارا بارىسىندا بيىلعى ىرىكتەۋدىڭ ناتيجەسىندە ءار وڭىردەن فينالدىق كەزەڭگە وتكەن 16 ۇمىتكەر وتباسىنىڭ ءارقايسىسىنا ارنايى ديپلومدار مەن تۇرمىستىق تەحنيكانى الۋعا 300 مىڭ تەڭگە سوماسىندا سەرتيفيكات تابىستالدى. مەرەكەلىك شارا قازاقستاندىق ەسترادا جۇلدىزدارىنىڭ قاتىسۋىمەن مەرەكەلىك كونسەرتپەن اياقتالدى. كونكۋرس قوعامداعى ىزگىلىك پەن ادامگەرشىلىكتى، نەكە جانە وتباسى ينستيتۋتتارىن نىعايتۋعا باعىتتالعان.ول بيىل ءتورتىنشى رەت وتكىزىلىپ وتىر.
