قازاقستاندىقتار جاڭا الىپبيگە قاتىستى ۇسىنىستارىن بەرە الادى
باسقارما ءتوراعاسى وسى ۋاقىتتا كەز كەلگەن قازاقستاندىقتىڭ قازاق ءالىپبيى جوباسى تۋرالى ءوز ۇسىنىستارى مەن پىكىرلەرىن اشىق قالدىرۋىنا مۇمكىندىك بار ەكەندىگىن ايتادى. ال، تالقىلاۋ ناتيجەلەرى بارىنشا شىنايى بولۋى ءۇشىن ول بارلىق قازاقستاندىقتاردى وسى جوباعا بەلسەندى قاتىسۋعا شاقىردى.
«قازىرگى ۇسىنىلىپ وتىرعان ءالىبيدىڭ جوباسىنا قاتىستى ۇسىنىستارىڭىزدى #latyn حەشتەگى ارقىلى جەكە پاراقشاڭىزدا جاريالاي بەرۋىڭىزگە بولادى. كەيىن وسى حەشتەگ ارقىلى بارلىق ۇسىنىستار جيناقتالىپ، ارنايى قۇرىلعان جۇمىس توبى مۇشەلەرى مەن ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعى بىرلەسىپ، تۋىنداعان سۇراقتار بويىنشا ناقتى كەڭ تۇسىنىكتەمە بەرەدى»، - دەپ جازدى ول.
سونداي- اق ول ەرتەڭنەن باستاپ ءالىپبي جوباسى تۋرالى جولدانىپ وتىرعان ۇسىنىستار بويىنشا، رۋحاني جاڭعىرۋ سايتىندا كەرى بايلانىس فورماسى ارەكەت ەتەتىندىگىن، پورتالدا بارلىق ۇسىنىستار شوعىرلاندىرىلىپ، جۇمىس بارىسىندا ەسكەرىلەتىندىگىن جەتكىزدى.
اۆتور: ايدار وسپاناليەۆ