بريتانيادا بالامەن بىرگە «وسەتىن» كيىم ويلاپ تابىلدى - كەسكىن

نۇر-سۇلتان. قازاقپارات - بريتاندىق ديزاينەر رايان ياسين بالالارعا ارنالعان وزگەشە كيىم ويلاپ تاپتى. ونىڭ تىككەن كيىمدەرى بالامەن بىرگە ءوسىپ وتىرادى.

بۇل تۋرالى ريا نوۆوستي اگەنتتىگىنە سىلتەمە جاساپ حابار 24.kz حابارلادى.

مۇنداي كيىمدى تىگۋ ءۇشىن ديزاينەر ەرەكشە ماتانى قولدانادى. بۇل ماتا بالانىڭ وسۋىنە قاراي ەنى مەن ۇزىندىعى بويىنشا سوزىلىپ وتىرادى جانە ارنايى ماتادان تىگىلگەن كيىم اۆتوماتتى ماشينادا دا جۋۋعا ءتوزىمدى جانە قايتادان تىگۋگە دە قولايلى. ازىرگە رايان ياسين 3 ايدان باستاپ 3 جاسقا دەيىنگى بالالارعا ارناپ كيىمدەر تىگىپ جاتقانىن ايتادى.

ونىڭ ايتۋىنشا، بۇل كيىمدەر اتا-انالاردىڭ قارجىسىن ۇنەمدەيدى.