ءتىرى لامپا ادام: ءۇندىستاندا توقپەن تاماقتاناتىن ەر ادام تۇرادى - فوتو

نۇر-سۇلتان. قازاقپارات - ءۇندىستاننىڭ مۋزاففارناگار قالاسىندا ەرەكشە ادام تۇرادى. ول توقتان قۋات الادى. سوندىقتان وعان كۇندەلىكتى تاماقتانۋدىڭ كەرەگى جوق.

42 جاستاعى ەر ادام ءوزىنىڭ مۇنداي قاسيەتىن كەزدەيسوق بىلگەن. ول جۇمىسىندا ابايسىزدا توقتى جالاڭاش قولىمەن ۇستاپ الادى. ءبىراق ەشقانداي توق سوقپاعان. ول توقتى ودان ءارى ۇستاپ، ءوزىنىڭ قاسيەتىن تەكسەرىپ كورمەك بولادى. اقىرىندا ول توقتى تاماقتىڭ ورنىنا تۇتىنۋعا بولاتىنىنا كوز جەتكىزەدى.

«مەن ۇيدە تاماق جوق كەزدە قارنىم اشىپ قالسا، توقتان ۇستاپ قۋاتتانامىن. توقتى تاماق سياقتى بويىما سىڭىرەمىن. دەنەمنىڭ 80 پايىزى توقتان تۇرادى دەپ ويلايمىن»، - دەيدى ول.

ايەلىنىڭ ايتۋىنشا، نارەش كۋمار جالاڭاش قولىمەن توقتى قوسىپ جاعا الادى. توقتى ۇستاسا بولدى، قوسىلعان زاتى ىستەپ كەتە بەرەدى ەكەن.

جەلىدە وسى كورىنىستى كورگەندەر تاڭعالىپ، ول كوپتىڭ تالقىسىنا تۇسكەن ەدى. سول سەبەپتى دە «ءتىرى لامپا» اتانىپ كەتكەن.

كۋمار جوعارى ۆولتتى توقتى قولىمەن ۇستاي الاتىن جالعىز ادام بولماۋى مۇمكىن. ءبىراق ودان وزگە ەشبىر ادام ءدال وسىنداي قاسيەتىن كورسەتكەن جوق.