ءسوز زەرگەرى اتانعان عابيت مۇسىرەپوۆتىڭ وي-تولعامدارى
دانىشپاننىڭ وسى ءسوزى ءبىزدىڭ اقىن- جازۋشىلارىمىزعا تىكەلەي قاتىستى. قازاقتىڭ ءسوز ونەرىنە وزىندىك مول ۇلەسىن قوسقان كلاسسيك جازۋشىلارىمىزدىڭ ءبىرى ءھام بىرەگەيى - عابيت مۇسىرەپوۆ. ەندەشە، جازۋشىنىڭ وي- تولعامدارىنا كەزەك بەرەيىك.
***
ۇلكەن باقىتسىزدىقتى، ءيا بولماسا ۇلكەن اپاتتى كوتەرۋدەن گورى، ۇساق ءجابىر، كۇل كورنە، ادىلەتسىزدىكتى كوتەرۋ قيىن.
***
ادامنىڭ ءجۇزى سۇرلانىپ كەتەتىن، قىزارىپ كەتەتىن، قوڭىرايىپ كەتەتىن، بوزارىپ كەتەتىن، جادىراپ كەتەتىن كەزدەرى بولادى. وسىنىڭ سەبەبى نەدە، كوڭىل قۇبىلىسىندا، ويلاۋ وزگەرىسىندە.
***
اكە- شەشەنىڭ وتىرىگى بالا جۇرەگىن سۋىندىرا بەرەدى. ءبىر كەزدە سول وتىرىكتى بالا دا ايتادى.
***
ۋاقىت الدەنەنىڭ ەسكىرگەنىن، الدەنەنىڭ پىسكەنىن ايتا وتىرادى.
***
دۇنيەدە ەڭ قورلىقتا، زورلىقتا اياققا باسىلىپ كەلە جاتقان ناعىز قىمباتتىمىز - ار- ۇيات، ادىلەت، شىندىق، سۇلۋلىق.
***
اقىلدى ادامعا ەڭ اۋىر جازا - ماقتاي بەرۋ، ماقتاي بەرۋ.
***
جاستىقتىڭ بويىنان پارىقسىز پاڭدىق ەمەس، ءوز ونەرىنىڭ كۇشىنە سەنەر مىعىمدىق تاپقان قانداي جاقسى.
***
قورقاقتىق، ەزدىك، ايانشاقتىق، كونبىستىك - قۇلدىقتىڭ ەڭ جامان ءتۇرى.
