قىتاي ەلى تۋرالى تاڭعالدىرارلىق دەرەكتەر جيىنتىعى - فوتو

نۇر-سۇلتان. قازاقپارات - رەسەيلىك ماشا پيپەنكو ەسىمدى تۇرعىن قىتايدا ەكى جىل ءومىر ءسۇرىپ كەلگەننەن كەيىن، كورگەن- بىلگەندەرىن قاعازعا تۇسىرگەن.

بۇل تۋرالى adme.ru حابارلايدى.

قىتايدا «ءوزىمىز» دەگەن تۇسىنىك جوعارعى دەڭگەيدە قالىپتاسقان. ولار وزدەرىنە جاقىن، جەرلەس ادامدارعا ەرەكشە قامقورلىقپەن قارايدى.

قىتايدا «ءيا» دەگەن ءسوز تىم سيرەك، ال «جوق» دەگەن ءسوز تىم ءجيى ەستىلەدى. ەگەر ولار سىزگە «مۇمكىن» دەپ جاۋاپ بەرسە، وندا بەلگىلى ءبىر دەڭگەيدە ءسىزدىڭ ۇسىنىڭىزبەن كەلىستى، ياعني، سىزگە كومەكتەسە الادى دەگەن ءسوز.

قىتايلىقتار قاي جەردە جانە قاي ۋاقىت ەكەنىنە قاراماستان ۇيىقتاي كەتەدى. اينالاسى ۋ- شۋ بولىپ جاتسا دا ءمان بەرمەيدى. ولاردا قۇددى «ءوشىرۋ» دەگەن باتىرما بار سەكىلدى. ايتپاقشى، ولار تۇسكى استان كەيىن مىندەتتى تۇردە ءبىر ساعات مىزعىپ الادى. ماسەلەن، مەن تۇرعان كىشكەنتاي قالادا 12:00-14:00 ارالىعىندا بارلىق دۇكەندەر مەن مەملەكەتتىك مەكەمەلەر جابىلادى. ولاردا تۇسكى اس 11:30-دا باستالىپ 14:30-دا اياقتالادى. ءبىر ساعات اس ىشۋگە، ال ەكى ساعات ۇيىقتاۋعا جوسپارلانعان.

قىتايلىقتار تەك «قىتاي اسحاناسىنا» بايلانىپ قالماي ءارتۇرلى تاماق دايىنداۋ ادىستەرىن، ءارتۇرلى ازىق- تۇلىكتەردى پايدالانا بەرەدى. سىچۋان پروۆينسياسى اشى تاماقتارىمەن، سولتۇستىك - تۇشپاراسىمەن، ۋحان قالاسى- اراحيس بۇرىشتى لاپشاسىمەن تانىمال. كۋليناريالىق تۋريزم - بۇل ەلدە كەڭىنەن تارالعان. وڭىرلىك اسحانالار حرام، مۋزەي سەكىلدى بيىك مارتەبەگە يە.

قىتايدا كەڭىنەن تارالعان دارىلىك نارسە - بۇل ىستىق سۋ. تۇماۋ تيسە دە، باس اۋىرسا دا، سىزگە ىستىق سۋ ىشۋگە كەڭەس بەرەدى. ولاردا اۋرۋ- ساۋ ەكەنىنە قاراماستان ءبارى بىردەي ىستىق سۋ ىشۋگە قۇمار. ىستىق سۋ قايناپ تۇرعان ءداۋ تيتانداردى اۋەجاي مەن ۆوكزالدان دا وڭاي تابا الاسىز.

قىتاي پويىزدارىندا توسەك جايماسى ءار جاڭا جولاۋشى كەلگەن سايىن اۋىستىرىلمايدى.

سابيلەرگە ارنالعان جورگەك - ۇلكەن قالالارعا عانا ءتان. كوبىنەسە كىشكەنتاي بالالار شولاق دامبال كيىپ الىپ شاۋىپ جۇرە بەرەدى.

قىتايلىقتار كوبىنەسە ادامنىڭ جەكەلەگەن ادەمىلىكتەرىنە قاراپ باعالايدى. ماسەلەن، «سەن ادەمىسىڭ، سەبەبى كوزدەرىڭ ۇلكەن» دەگەن سەكىلدى. سونىمەن قاتار، ولار تاندەرىنىڭ اق بولعانىن قالايدى. ءتىپتى كەيبىرەۋلەرى كۇنگە قىزدىرىنباي، تەرىلەرىن اعارتۋمەن اۋرە بولادى. وسى ءۇشىن ولار ۇنەمى قولشاتىر ۇستاپ، باستارىنا قالپاق كيىپ، ءتۇرلى كرەمدەردى پايدالانىپ جۇرەدى.

قىتايدا وتباسى قۇرۋ - باستى ماقسات. وندا ەر ادامدار وتە بالاجان بولىپ كەلەدى. جانە ولار ءۇي شارۋاسىنا دا وتە پىسىق. مىسالى، مەنىڭ قىتايلىق قۇربىمنىڭ جىگىتى بولمە جيناپ، تاماق دايىنداپ قويۋعا دا كەتارى ەمەس ەكەن.

قىتايدا كوپشىلىك ورىنداردا ءبىر- بىرىنە جابىسىپ سەزىمدەرىن ءبىلدىرۋ قابىلدانبايتىن نارسە. سوڭعى كەزدەرى قول ۇستاسقان قىز- جىگىتتەردىڭ كوبەيۋىن ولار باتىستىڭ ىقپالى دەپ بىلەدى. ال قوعامدىق ورىنداردى ءسۇيىسۋدى ولار وتە ۇيات نارسە دەپ سانايدى ەكەن.

قىتايلىق ايەلدەر قىسقى بەلدەمشەلەر كيىپ جۇرە بەرەدى جانە بۇل ۇيات سانالمايدى. ەڭ باستىسى يىعى مەن كەۋدە تۇسى جابىق بولسا بولعانى. ال ەرلەرى كۇن جىلىنعان ساتتەن باستاپ، ىشتەرىن اشىپ تاستاپ جۇرەدى.

قىتاي تىلىنە سوزدىك ارقىلى دايىندالۋ پايداسى جوق دۇنيە. ولارداعى ءسوزدىڭ ءبىر- بىرىنە ۇقساستىعى سونشا اجىراتۋ وتە قيىن. ءتىپتى قاتتى ۇقسايدى دەگەن سوزدەردىڭ ءوزى باسقا- باسقا ماعىنا بەرىپ تۇرادى.

قىتايلىقتار وزدەرىنىڭ بۇكىل پروبلەمالارىن حالىقتىڭ كوپتىگىنە تەلىپ قويعان. ادام كوپ بولعان سوڭ ەكولوگيا دا سىن كوتەرمەيدى دەيدى ولار. كولىك قوزعالىسى دا ءبىر رەتكە تۇسپەگەنگە، ادامنىڭ كوپتىگىن العا تارتادى.