ايگىلى «مۋزارت»توبىنىڭ ءىزباسارلارىنىڭ العاشقى بەينەبايانى جارىققا شىقتى - كەسكىن

استانا. قازاقپارات حالىقتىڭ ماقتانىشىنا اينالعان «مۋزارت» توبىنىڭ ءىزباسارلارى العاشقى بەينەباياندارىن جارىققا شىعاردى.

بۇل تۋرالى Stan.kz حابارلايدى

تىرناقالدى تۋىندى «جۇرەگىم سەنى اڭساعان» انىنە تۇسىرىلگەن. بەينەباياندا جىگىتتەردىڭ ۇلكەن ساحناعا العاش جاساعان قادامدارى كورسەتىلەدى. ءىزباسارلارىنا قولداۋ كورسەتكەن «مۋزارت» توبى مەن ولاردىڭ ديرەكتورى ەرلان ءجۇنىسباي دا كليپتە بوي كورسەتكەن.

ايتا كەتەيىك، «مۋزارت eLif» توبىنىڭ قۇرامىندا مۋزىكالىق جوبادا جەڭىسكە جەتكەن 4 جىگىت ونەر كورسەتەدى. ولار - سۇلتان احمەت، سەرىكبولسىن كىشكەنبايەۆ، نۇرحات سەگىزباي جانە توپتىڭ ەڭ جاس مۇشەسى ءازيز بالتابەك ۇلى.

«مۋزارت eLiv» جوباسى كەزىندە- اق تىڭدارمانداردىڭ كوڭىلىنەن شىققان 4 جىگىت ەلىمىزدىڭ 4 ايماعىنان جينالعان.

ەسكە سالا كەتەيىك، 2016 -جىلدىڭ جازىندا باستالعان «مۋزارت eLiv» جوباسىنىڭ جەڭىمپازدارى جەلتوقسان ايىندا انىقتالعان بولاتىن. «مۋزارتتىق» سەرىلەر توپقا ات بەرۋ ءۇشىن جارتى جىل ويلاندى، حالىقتان كەڭەس سۇرادى. ءبىر جاعىنان ءوزارا ءبىر توقتامعا كەلە المادى. الايدا اقىرىندا ءىزباسارلارىنان قۇرالعان كوماندانى جوبا اتاۋىمەن اتادى.