نۇرسۇلتان نازاربايەۆ: مەن كۇنى- ءتۇنى ءبىلىمىمدى شىڭداپ كەلەمىن
«قازىرگى زامانعى الەمدە ءبىر كەزدەرى العان بىلىمىنە ۇستانىپ تۇرعاندار ەمەس، ۇنەمى توقتاۋسىز ءبىلىمىن جەتىلدىرەتىندەر ۇتادى. ماعان ۋنيۆەرسيتەتتە قالاي پرەزيدەنت بولۋ كەرەكتىگىن ەشكىم ۇيرەتكەن جوق. زامان تالابىنا توتەپ بەرۋ ءۇشىن كۇنى- ءتۇنى ءبىلىمىڭدى شىڭداۋ كەرەك. ەستەرىڭىزدە ساقتاڭىزدار، وزگەرىستەرگە دايىن ادامدار عانا ۇتادى. ياعني زەرتتەۋشىلەردىڭ، ينۆەستورلاردىڭ ءتىلىن تۇسىنەتىندەر عانا جەتىستىكتىككە جەتەتىنى انىق» ، - دەدى مەملەكەت باسشىسى نازاربايەۆ ۋنيۆەرسيتەتى تۇلەكتەرىن قۇتتىقتاۋ بارىسىندا.
وسى ورايدا ەلباسى «بولاشاققا باعدار: رۋحاني جاڭعىرۋ» اتتى ماقالاسىندا جاستارعا نەگىزدەلگەن بارلىق باسىمدىقتار قامتىلعانىن ەسكە سالىپ ءوتتى. ايتا كەتەيىك، ەلباسى بيىل نازاربايەۆ ۋنيۆەرسيتەتىن ءتامامداعان تۇلەكتەردى قۇتتىقتاپ، دوكتورانتۋرا باعدارلاماسىنىڭ العاشقى توعىز تۇلەگىنە ديپلومدارىن تابىستادى.
اۆتور: اينۇر اقبايەۆا