شياڭگاڭدا جاعدايى تومەن حالىق تابىت-ۇيلەردە قالاي تۇرادى؟ - فوتو

نۇر-سۇلتان. قازاقپارات - ومىرىڭىزدە «اس ۇيىمە ءۇش ادام سىيمايدى» دەپ نالىعان بولساڭىز دوعارىڭىز.

سەبەبى ءسىز راسىندا دا ورىن جەتىسپەۋشىلىگىنىڭ نە ەكەنىن بىلمەيسىز.

گونكونگتا(شياڭگاڭدا) پاتەراقىنىڭ قۇنى تىم جوعارى. ءدال وسى سەبەپتى قالتاسى كوتەرمەيتىن حالىق تابىت- ۇيلەردە، مەتاللدى قاپاستاردا جانە شاتىردىڭ استىندا تۇنەۋگە ءماجبۇر.

بۇل تۋرالى Daily Mail جازدى.

مىنا سۋرەتتەردەن اس ۇيمەن قوسىلىپ كەتكەن دارەتحانانى، كوپ ساتىلى توسەكتەردى كورۋگە بولادى. وندا ءتىپتى اياقتى سوزىپ جاتۋ مۇمكىن ەمەس. بۇل - ادامدى قورلايتىنداي جاعداي. وكىنىشكە قاراي، تۇرعىنداردىڭ وعان كونۋدەن باسقا امالى جوق.

تابىت- ءۇيدىڭ رەزيدەنتتەرى - لەم، ۋەن مەن كيتتي و.

لي جانە ونىڭ 6 جاسار ۇلى مەن 8 جاسار قىزى جالپى اۋماعى 11 شارشى مەتردى قۇرايتىن اياداي عانا بولمەنى پانالاپ وتىر. تار كەڭىستىكتە ەكىقاباتتى توسەك، شاعىن ديۆان، توڭازىتقىش، كىر جۋعىش ماشىنەسى مەن كىشكەنتاي ۇستەل بار.

جالپى گونكونگ ازياداعى جەتەكشى قارجىلىق ورتالىقتاردىڭ ءبىرى سانالادى. الايدا جىلجىمالى مۇلىك نارىعىنداعى بۇل توڭكەرىستىڭ كەرى اسەرى حالىققا ءتيىپ وتىر. ءجۇز مىڭداعان ادامدار ادام شوشىرلىق جاعدايدا تۇرىپ جاتىر. ولاردىڭ مەكەندەرى ۇيدەن قاراعاندا اياق كيىمگە ارنالعان ۇلكەن قوراپشاعا ۇقساس.

مۇندا ءبىر دارەتحانا مەن شۇڭعىلشانى (اۆت. راكوۆينا) 20 داي ادام پايدالانۋعا ءماجبۇر.

5 جاسار بالا كەڭىردەكتەنگەن مەتال مەن بەتوننان قۇيىلعان ءۇيدىڭ جانىندا ويناپ وتىر. ول مۇندا اتا-اناسىمەن بىرگە تۇرادى.

گونكونگتا تۇرعىن- ءۇيدىڭ قولجەتىمسىزدىگى بۇگىندە ماڭىزدى الەۋمەتتىك ماسەلەگە اينالعان.

ماسەلەن، جالعىزباستى انا لي ءوزىنىڭ ەكى بالاسىمەن بىرگە اۋماعى 11 شارشى مەتردى قۇرايتىن بولمەدە تۇرادى، ول ءۇشىن ايىنا 580 دوللار تولەيدى. ونىڭ پاتەراقىسىن تولەۋگە جالاقىسىنىڭ جارتىسىن بەرۋدەن باسقا لاجى جوق.

زەينەتكە شىققان داياشى سە چۋ ءوزىنىڭ بۇرىشىندا ۇيىقتاپ جاتىر.

63 جاستاعى ۆونگ تات- مينگ ۇساق- تۇيەك زاتتارعا تولىپ كەتكەن ءوزىنىڭ اياداي عانا پاتەرىندە وتىر. مۇندا تۇنەمەلى قاپ، كىشكەنتاي ءتۇرلى- ءتۇستى تەلەديدار مەن جەلدەتكىش پاتەردىڭ كوپ بولىگىن الىپ تۇر. تابىت- ءۇيدىڭ تاعى ءبىر تۇرعىنى مەن ۆونگ پاتەردە تاراقاندار مەن كاندالالاردىڭ ءورىپ كەتكەنىن ايتىپ شاعىمدانۋدا.

80 جاستاعى چەنگ چي-فونگ، ءتىپتى توسەكتە اياعىن سوزىپ جاتا المايدى.

پاتەردىڭ تاعى ءبىر تۇرعىنى.

رەسمي ستاتيستيكاعا سايكەس، گونكونگتا تۇراتىن 7 ميلليون حالىقتىڭ 200 مىڭى وسىنداي جاعدايدا تۇرادى. ونىڭ ىشىندە 35 مىڭ بالا بار.

بۇل ستاتيستيكاعا باراقتار مەن شاتىرلاردا، تورلاردا زاڭسىز تۇراتىندار كىرمەيدى.

ال باقۋاتتى گونكونگتىقتاردىڭ ۇيلەرى مۇلدەم باسقا الەممەن پارا پار.