استانادا اسكەري پارادقا دايىندىق ءوتىپ جاتىر
اسكەري پاراد قازاقستان قارۋلى كۇشتەرىنىڭ 25 جىلدىعىنا ارنالعان. اسكەريلەر كۇن سايىن دايىندىقتارىن پىسىقتاپ جاتىر. پارادقا قاتىسۋشىلاردىڭ جاتتىعۋلارى كۇن سايىن وتكىزىلەدى.
ەلىمىزدىڭ ءارتۇرلى وڭىرىنەن كەلگەن اسكەري قىزمەتشىلەر پالاتكالى قالاشىقتا تۇرىپ جاتىر.
اسكەري تەحنيكا ۇرىس ماشينالارىنىڭ ارنايى دالالىق پاركىندە ورنالاستىرىلعان. دالالىق لاگەردە جەكە قۇرامعا ارنالعان بارلىق قاجەتتى جاعداي جاسالعان.
اتاپ ايتقاندا، تۇرۋعا ارنالعان پالاتكالار، مەديتسينالىق پۋنكتتەر، تاماقتانۋ پۋنكتتەرى جانە دالالىق مونشا.
دالالىق قالاشىقتىڭ اۋماعىندا بوس ۋاقىتتى ۇيىمداستىرۋ ءۇشىن جىلجىمالى اقپاراتتىق كەشەن ورىستەتىلدى. استانادا وتەتىن پارادقا ءبىر ايدان از ۋاقىت الدى. تارتىلاتىن جەكە قۇرام مەن اسكەري تەحنيكانىڭ رەكوردتىق سانىنان باسقا، الداعى وتەتىن پارادتىڭ ەرەكشەلىكتەرىنىڭ ءبىرى الاڭدا اسكەري-تەحنيكالىق مەكتەپتەردىڭ اۆتوموبيلدى تەحنيكاسىندا ءجۇرىپ وتەتىن قازاقستان قارۋلى كۇشتەرى ارداگەرلەرىنىڭ، «جاس ۇلان» ءتورت اسكەري مەكتەپ پەن اسكەري-پاتريوتتىق كلۋبتاردىڭ تاربيەلەنۋشىلەرى جانە قورعانىس مينيسترلىگى اسكەري-تەحنيكالىق مەكتەپتەرىنىڭ وقۋشىلارى، سونداي-اق، اۋماقتىق قورعانىس بريگادالارى قۇراما روتاسىنىڭ قاتىسۋى بولىپ تابىلادى.