+7 (701) 759 90 19
21 °С : نۇر-سۇلتان
28 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ادامنىڭ جۇرەگىنە سەنىم ۇيالاتاتىن ەرەكشە وقيعالار - فوتو

4 شىلدە 11:17
:ءبولىسۋ
ادامنىڭ جۇرەگىنە سەنىم ۇيالاتاتىن ەرەكشە وقيعالار - فوتو

نۇر-سۇلتان. قازاقپارات - جەر بەتىندە ءوزىنىڭ مۇددەسىن تومەن قويىپ، وزگەلەردىڭ يگىلىگى ءۇشىن قىزمەت ەتەتىن جاندار جەتەرلىك.

جانە ولار اركەز ادامگەرشىلىكتىڭ قۇلى ەكەنىن، وزدەرىنىڭ مەيىربان ىستەرى ارقىلى دالەلدەيدى.

بۇل تۋرالى flytothesky.ru حابارلايدى.

سيۋن شۋيحۋا - قىتايلىق بيزنەسمەن- ميلليونەر. اۋىل تۇرعىندارىنا ارناپ كەرەمەت ۇيلەر مەن ۆيللا سالىپ بەرگەن.

00523

ول قىتايدىڭ وڭتۇستىگىندەگى سيۋنكەنگ اۋىلىندا تۋادى. ول بيزنەستە جولى بولىپ، ميلليونداپ اقشا تاپقان كەزدە اۋىلداستارىنا كومەكتەسكىسى كەلەدى. ول 72 وتباسىنا ارناپ جاڭا باسپانالار سالىپ، جانە وزىنە ەت جاقىن 18 وتباسى ءۇشىن ۆيللا تۇرعىزىپ بەرگەن. بۇل ءۇشىن بيزنەسمەن 4 ميلليون فۋنت ستەرلينگ قۇرتىپتى. ول ءتىپتى تابىسى از جانە قارت ادامدارعا ارناپ كۇنىنە ءۇش مەزگىل ىستىق تاماق بەرىپ تۇرۋعا دا ۋادە بەرىپتى.

چاك فيني - بۇرىنعى ەكس- ميللياردەر. ول ءوزىنىڭ 7,5 ميلليارد دوللارىنىڭ 99 پايىزىن جاستاردىڭ جوعارى ءبىلىم الۋىنا جۇمساعان.

00226

يرلاند- امەريكالىق بيزنەسمەن ءوزىنىڭ قايىرىمدىلىق شارالارىن 1984 -جىلى باستاعان. ول 170 ميلليون دوللارىن يرلاندياداعى ليمەريكا ۋنيۆەرسيتەتىنىڭ گرانتى ءۇشىن بولگەن. سونداي- اق، سوڭعى ون جىلدا 7,5 ميلليارد دوللاردى جوعارى ءبىلىم الۋ ماسەلەسى ءۇشىن سىيلاعان.

لوس- اندجەلەستەن شىققان بايكەرلەر بانداسى بالالاردى سەكسۋالدى زورلىقتان قورعايدى.

00325

ولار Bikers Against Child Abuse (BACA) دەگەن اتاۋمەن تانىمال. ولار بالالار ءۇشىن زورلىقتان ادا قورشاعان ورتا قۇرعىسى كەلەدى. ەگەر بالاعا زورلىق جاساعان ادام ءالى تۇرمەدە وتىرسا، وندا ولار بالالاردىڭ ءۇيىن تۇنگى ۋاقىتتا كۇزەتىپ، مەكتەپكە، سوت وتىرىسىنا، پسيحوتەراپيالىق ساعاتتارعا الىپ بارادى. بالالار قورقىنىشتى سەزىنبەس ءۇشىن بايكەرلەر ءتىپتى سوت وتىرىستارىنا دا قاتىسادى.

داشرات ماندجي ءوز اۋىلىنا باراتىن جولدى قىسقارتۋ ءۇشىن، 22 جىل ىشىندە تاۋ ارقىلى 100 مەترلىك جول جاساپ شىققان. ەندى جول 55 شاقىرىم ەمەس، نەبارى 15 شاقىرىم عانا.

00425

ول ءۇندىستانداعى بيحار شتاتىندا تۇرادى. داشرات 1960 -جىلى بالا كۇتىپ وتىرعان ايەلىنەن ايىرىلىپ، ۇلكەن سوققى الادى. جاقىن اۋرۋحانا تەك 70 شاقىرىم جەردە عانا، جانە داشرات ايەلىن وندا جەتكىزە المايدى. ول ۇكىمەتكە بىرنەشە رەت قىسقا جول جاساپ شىعۋدى ۇسىنعان. ءبىراق، بيلىك قيمىلداماعاننان كەيىن ول ىسكە ءوزى كىرىسەدى. 22 جىل تاۋدى قازىپ، ۇزىندىعى 100، ەنى 9 مەترلىك جول جاساپ شىعادى. داشرات 2007 -جىلى تامىز ايىندا كوز جۇمدى.

102 جاستاعى دوبري دوبريەۆ كۇن سايىن قايىر تىلەپ، تۇسكەن اقشانىڭ بارلىعىن شىركەۋ مەن بالالار ۇيىنە بەرەدى.

00124

دوبري بولگاريا استاناسىنان 24 شاقىرىم جەردە تۇرادى. ول جاستاۋ كەزىندە قالانى كەزىپ جۇرسە، قازىر اۆتوبۋس ارقىلى ءجۇرىپ، قايىر تىلەيدى. جانە بىرنەشە جىل بويى شىركەۋ مەن بالالار ءۇيىن اقشامەن جارىلقاپ كەلەدى. ول ءتىپتى ءبىر ۋاقىتتارى 24 مىڭ دوللارعا دەيىن قارجى بەرگەن. ءدوبريدىڭ ايتۋىنشا، ول ءبىر جىلدارى اقىماقتىق ءىس جاساعان. سول ۋاقىتتان بەرى جامان ارەكەتىن جۋىپ- شايۋ ءۇشىن وزگەگە كومەكتەسۋدى ءجون ساناپتى.

ميدىڭ قاتەرلى ىسىگىنەن كوز جۇمعان 11 جاستاعى ليان ياوي ولەرىنىڭ الدىندا ءوزىنىڭ دەنە مۇشەلەرىن دونور رەتىندە قولدانۋدى وتىنگەن. وسىلايشا ول باسقا بالالارعا ءومىر سىيلاعىسى كەلىپتى.

00621

گۋاڭدۇڭ پروۆينسياسىنىڭ تۇرعىنى 9 جاسىنان باستاپ مي راگىنان زارداپ شەككەن. ليان كوز جۇمعاننان كەيىن وعان قاراعان دارىگەرلەر، ونىڭ باتىلدىعى مەن مەيىرىمدىلىگىنە ريزا بولىپ، ءۇش رەت قۇرمەت كورسەتىپ باستارىن يگەن.

كاليفورنياداعى قارتتار ءۇيى بانكروتقا ۇشىراعان كەزدە بارلىق قىزمەتكەرلەرى كەتىپ قالىپ، 16 ەگدە كىسىگە تەك اسپاز بەن تازالىقشى عانا قاراپ قالعان.

00716

اسپاز موريس روۋلەند پەن تازالىقشى ميگەل الۆارەس ءوز ەرىكتەرىمەن 16 ەگدە كىسىگە كومەك كورسەتۋدى ءجون دەپ شەشكەن. ولار 24 ساعات بويى قارتتاردىڭ جاعدايىن جاسايدى.

البەرت لەكسي 36 جىل بويى پيتتسبۋرگتەگى بالالار اۋرۋحاناسىنا اياق كيىم تازالاپ كەلە جاتىر.

00816

71 جاستاعى البەرت لەكسي جاسى 15 كە كەلگەن كەزدە اياق كيىم تازالاپ باستاعان. ءار سەيسەنبى جانە بەيسەنبى سايىن ول پيتتسبۋرگتەگى بالالار اۋرۋحاناسىنا بارىپ، ەمدەلۋشىلەردىڭ اياق كيىمىن تازالايتىن. 36 جىل ىشىندە ول تاپقان- تايانعانىنىڭ بارلىعىن قايىرىمدىلىققا جۇمساپ كەلەدى. جالپى سانى 200 مىڭ دوللار قاراجاتتى وزگەلەردىڭ يگىلىگى ءۇشىن بەرگەن. وندا ءتىپتى كولىك تە جوق. كۇن سايىن اۆتوبۋستى پايدالانادى.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات