ماس وقۋشى ءۇشىن مەكتەپ باسشىلىعى جاۋاپكەرشىلىككە تارتىلدى
«وقۋشىنىڭ ماس كۇيىندە ساباققا كەلگەنى ءۇشىن تاربيە جۇمىسى جونىندەگى ديرەكتوردىڭ ورىنباسارى مەن وقۋشىنىڭ سىنىپ جەتەكشىسى تارتىپتىك جازاعا تارتىلدى»، - دەدى شاحتينسك قالاسى ءبىلىم بەرۋ ءبولىمىنىڭ باسشىسى نيكولاي ونسوۆيچ.
قالانىڭ باس پەداگوگىنىڭ ايتۋىنشا، جەتىنشى سىنىپ وقۋشىسى قاتتى كۇيزەلىستەن سپيرتتىك ىشىمدىك ىشكەن.
«ونىڭ اتا-اناسىنىڭ قارىم-قاتىناسىندا قيىندىقتار تۋىنداعان جانە بالا مۇنى اۋىر قابىلداعان. بۇل وتباسى جاقىندا قىزىلوردا قالاسىنان كوشىپ كەلگەن. بالا جاڭا مەكتەپتە ازىرگە بەيتانىس بالالارمەن بىرگە وقىپ ءجۇر. وسى وقيعادان كەيىن مەكتەپكە بىرنەشە رەت بارىپ، بالامەن سويلەستىم. وعان بۇل مەكتەپتە وقىعان ۇناي ما، وقۋ باعدارلاماسىنا ۇلگەرىپ جاتىر ما دەپ قىزىعۋشىلىق تانىتتىم. ءوزىمنىڭ تەلەفون ءنومىرىمدى بەرىپ، قاجەت بولسا حابارلاسۋىن سۇرادىم»، - دەدى نيكولاي ونسوۆيچ.
ەسكە سالا كەتسەك، دولينكا كەنتىندەگى ورتا مەكتەپتىڭ جەتىنشى سىنىپ وقۋشىسى ساباققا ولە ماس بولىپ كەلگەن ەدى.