ەلباسىدان العىس العان ەرتەگىشى قىزدىڭ كىتابى شىعادى
التىناي قىزىلوردا قالاسىندا تۇرادى. كوپ بالالى وتباسىنداعى جەتى بالانىڭ ەكىنشىسى. اكەسى قاراپايىم جۇمىسشى. اناسى بالا تاربيەسىمەن اينالىسادى. ول قازىر 267№ مەكتەپتىڭ 5-سىنىبىندا وقيدى. ول 40 قا جۋىق ەرتەگىنىڭ اۆتورى.
«اق كوجەك»، «ءمولدىر بۇلاق»، « قىزىل قوراز»، «تۇيە»، «قامقورلىق» سىندى تۋىندىلارىمەن ءتۇرلى رەسپۋبليكالىق بايقاۋلاردا توپ جارعان.
ول قيال-عاجايىپقا تولى اڭگىمەلەردى 7 جاسىنان باستاپ جازىپتى. بۇدان بولەك ءتۇرلى تاقىرىپتاعى ولەڭدەرى مەن اڭگىمەلەرى بار. التىناي «ۇقپاسقا ايتقان ءسوز جەتىم» اتتى ەرتەگىسىمەن ەڭ جاس اۆتور رەتىندە «مەنىڭ عاجايىپ ەرتەگىم» كىتابىنا ەنگەن.
ەلباسى نۇرسۇلتان ءابىش ۇلى نازاربايەۆ التىنايعا ءوزىنىڭ «ەۋرازيا جۇرەگىندە» اتتى كىتابىن سىيعا تارتقان ەدى. قابىلداۋىندا بولعان ونەرلى بالعىنعا قىرىمبەك كوشەربايەۆ شىعارماشىلىق ورلەۋ تىلەپ، ءوز ريزاشىلىعىن ءبىلدىردى. جانە التىنايدىڭ بارلىق تۋىندىلاردى جيناقتاپ، ەرتەگىلەر كىتابىن شىعارۋ وتىنىشىنە سايكەس «نۇر وتان» پارتياسى وبلىستىق فيليالى اتىنان قارجىلاي كومەك كورسەتىلدى.
اۆتور: ەلجان ەرالى