تارازدا جاس عالىمداردىڭ حالىقارالىق كونفەرەنسياسى وتەدى
بۇل تۋرالى اتالعان وقۋ ورنىنىڭ اقپاراتتىق-يميدجدىك قىزمەتىنىڭ جەتەكشىسى جاندار اسان ءمالىم ەتتى، دەپ حابارلايدى قازاقپارات.
ونىڭ ايتۋىنشا، التىنشى رەت ۇيىمداستىرىلعالى وتىرعان القالى جيىنعا قازاقستاننىڭ بارلىق ايماعىنداعى جوعارى وقۋ ورىندارىنىڭ ستۋدەنتتەرى، ماگيسترانتتارى مەن دوكتورانتتارى قاتىسادى. سونداي-اق، شاراعا وتاندىق جانە شەتەلدىك ارنايى ءبىلىم بەرۋ مەكەمەلەرىنىڭ قىزمەتكەرلەرى دە شاقىرىلعان.
«جاستاردىڭ شىعارماشىلىق، عىلىمي-زەرتتەۋ جۇمىستارىن ناسيحاتتاۋ مەن ونى كەڭ كولەمدە جاريالاۋدا، ولاردىڭ تۇلعالىق دامۋدىڭ ءتاسىلى رەتىندەگى جوبالىق زەرتتەۋ ءىس-ارەكەتتەرىنە تارتۋدا جانە ءبىلىم بەرۋ ءۇردىسىنىڭ تيىمدىلىگىن كوتەرۋ مەن قولدانبالى عىلىمعا دەگەن قىزىعۋشىلىقتارىن دامىتۋدا وسى تاقىلەتتەس جيىنداردىڭ ماڭىزى زور»، - دەيدى جاندار اسان.
اقپاراتتىق-يميدجدىك قىزمەت جەتەكشىسىنىڭ سوزىنە قاراعاندا، بيىلعى كونفەرەنتسيا گۋمانيتارلىق جانە جاراتىلىستانۋ عىلىمدارى سەكتسيالارى بويىنشا وتكىزىلەدى. جيىن بارىسىندا قازاقستاندىق جاس ىزدەنۋشىلەردىڭ عىلىمي جەتىستىكتەرىنىڭ كورمەسىن وتكىزۋ، وتاندىق جانە شەتەلدىك عالىمداردىڭ جاستارعا ارنالعان شەبەرلىك سىنىپتارىن جۇرگىزۋ جوسپارلانعان.
«كونفەرەنتسياعا كەلىپ تۇسكەن ماتەريالدار نەگىزىندە ارنايى جيناق شىعارۋ كوزدەلىپ وتىر. بۇل ءوز كەزەگىندە ەلىمىزدەگى ىزدەنۋشى جاستارعا، عىلىمي جۇمىستارمەن اينالىساتىن عالىمدارعا جانە يننوۆاتسيالىق دامۋ ستراتەگياسىن جوسپارلاپ، جۇزەگە اسىرۋشىلار ءۇشىن ماڭىزدى تەوريالىق جانە ادىستەمەلىك كومەكشى قۇرال بولماق»، - دەپ اتاپ ءوتتى ول.
ايتا كەتەيىك، پەداگوگيكالىق وقۋ ورنى كونفەرەنتسيانى ەلىمىزدەگى جاس عالىمداردىڭ شىعارماشىلىق قابىلەتىن شىڭداۋ ءۇشىن ەكى جىلدا ءبىر رەت ۇيىمداستىرادى. بيىلعى كەڭەس ت ا ر م پ ي- دىڭ 50 جىلدىعىنا ارنالىپ وتىر.
كونفەرەنسيانىڭ باستى ماقساتى - جاس عالىمداردىڭ جاسامپازدىق الەۋەتىن دامىتۋ، ولاردى زاماناۋي عىلىمنىڭ ماڭىزدى ماسەلەلەرىن شەشۋگە بەلسەندى تۇردە تارتۋ، عىلىمي ءبىلىم بەرۋ كەڭىستىگىن دامىتۋ. سونداي-اق، جيىننىڭ تاعى ءبىر كوزدەگەنى ىزدەنۋشىلەردىڭ ءوزارا بايلانىس ورناتۋلارىنا، تاجىريبە الماسۋلارىنا ىقپال جاساۋ.
جالپى تاراز مەملەكەتتىك پەداگوگيكالىق ينستيتۋتىندا ءبىرقاتار كەشەندى شارالار جوسپارلانىپ، ىسكە اسىرىلۋدا.
اۆتور: مارلان جيەمباي