جاقىندا «قازاق ەلى» تەلەحيكاياسى باستالادى - فوتو

None
None
استانا. قازاقپارات - ناۋرىز ايىندا 31 -ارنادان رەجيسسەر رۇستەم ءابدىراشتىڭ كوپتەن كۇتكەن «قازاق ەلى» تەلەحيكاياسىن تاماشالاي الاسىزدار.

فيلمنىڭ يدەيا اۆتورى - پرەزيدەنت نۇرسۇلتان نازاربايەۆ كينەماتوگراف ارقىلى مەملەكەتىمىزدىڭ قۇرىلۋ تاريحىن بايانداعان، دەپ جازادى ماسساگەت. ك ز. فيلمنىڭ سەناريىن بەلگىلى جازۋشى سماعۇل ەلۋباي، تيمۋر جاقسىلىقوۆ جانە رەجيسسەر رۇستەم ءابدىراش بىرىگىپ جازعان.

ال نەگىزى ءىلياس ەسەنبەرليننىڭ «كوشپەندىلەر» تريلوگياسىنىڭ ءبىرىنشى بولىمىنەن الىنعان. التىن وردا ىدىراعاننان كەيىن، ياعني ⅩⅤ عاسىردا قازاق حاندىعىنىڭ قالىپتاسۋ تاريحى تەلەحيكايانىڭ وزەگىن قۇراعان. فيلمنىڭ سيۋجەتى بويىنشا قازاق حاندىعىن قۇرۋشى كەرەي مەن جانىبەك حالقىنىڭ مۇددەسى جولىندا ەلگە ۇستەمدىك جۇرگىزۋدى ماقسات تۇتقان وزبىر حان شايبانشاحپەن تايتالاسقا تۇسەدى. 1457 -جىلى سىعاناق ماڭىندا بولعان ويراتتارمەن شايقاستا جەڭىلىس تاپقان شايبانشاح ولارمەن بىتىمگەرشىلىككە كەلەدى.

Жақында «Қазақ елі» телехикаясы басталады

الايدا كوشپەندى حالىقتى ۋىسىنان شىعارماۋ ءۇشىن اياۋسىز ساياساتىن جۇرگىزۋدى توقتاتپايدى. حاننىڭ وزبىرلىعىنا توزە الماعان كەرەي مەن جانىبەك وعان قارسى شىعىپ، ماڭايىنداعى ۇلىس- تايپالاردىڭ باسىن قوسىپ، موعولستان شەكاراسىنا (قازىرگى وڭتۇستىك- شىعىس قازاقستان اۋماعى) كوشىپ كەتەدى دە، سول جەردە جاڭا حاندىق بوي كوتەرەدى. تەلەحيكايا قازاق تىلىندە تۇسىرىلگەن، الايدا فيلمدە شاعاتايلار مەن جوڭعارلاردىڭ ءوز تىلىندە سويلەيتىن ساتتەرى دە بار. اكتەرلەردىڭ باسىم بولىگى - قازاقستاندىق ونەر مايتالماندارى، سونىڭ ىشىندە قارلىعاش مۇحاممەدجانوۆا، دوسحان جولجاقسىنوۆ (ءابىلقايىر شايبانشاح)، ەركەبۇلان دايىروۆ (جانىبەك حان)، قايرات كەمالوۆ (كەرەي حان)، ايان وتەپبەرگەنوۆ، بەكبولات تىلەۋحان جانە باسقالار. وزبەك حانى ءابىلقايىر شايبانشاحتىڭ بايبىشەسىنىڭ ءرولىن  جانار دوعالوۆا سومداسا، ويراتتاردىڭ بيلەۋشىسى وزتەمىر تايشىنىڭ ءرولىن موڭعوليالىق اكتەر سومداپ شىققان.

Жақында «Қазақ елі» телехикаясы басталады

ەسىمى اڭىزعا اينالعان ابىز اسان قايعى وقيعالاردى جىرىنا قوسىپ، حيكايانى بايانداپ وتىرادى. حيكايادا قازاقتاردىڭ كوشپەندى ءومىرى، ۇرىستار مەن شايقاستار كەڭىنەن كورىنىس تاپقان. تەك ءبىر عانا كوشتىڭ وزىنە 200 دەن اسا ادام، 150 ات، 10 تۇيە جانە «نوماد» كاسكادەرلەر توبىنىڭ كاسىبي كاسكادەرلەرى قاتىستىرىلعان. تەلەحيكايا تۇسىرىلىمىنە ق ر قورعانىس مينيسترلىگى ءوزىنىڭ اتتى اسكەرىن ۇسىنعان.

Жақында «Қазақ елі» телехикаясы басталады

سونداي-اق رومانتيكالىق كورىنىستەر دە ءوز ورنىن تاپقان. 10 بولىمنەن تۇراتىن جوبانىڭ قاراجاتىنا كەلسەك، ءبىر بولىگى حالىق قاراجاتىنان، ەندى ءبىر بولىگى دەمەۋشىلەردىڭ قاراجاتىنان الىنسا، نەگىزگى قارجى مەملەكەتتىڭ وزىنەن بولىنگەن.

سوڭعى جاڭالىقتار