+7 (701) 759 90 19
29 °С : نۇر-سۇلتان
35 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مايكل دجەكسوننىڭ جان ازابى

7 شىلدە 20:43
:ءبولىسۋ
مايكل دجەكسوننىڭ جان ازابى

نۇر-سۇلتان. قازاقپارات - مايكل دجەكسونداڭقتىڭ ەڭ بيىك شىڭىنا شىققان مايكل دجەكسون تۇلعاسى جايى كوپ ايتىلىپ، كوپ جازىلادى.

گيننەستىڭ رەكوردتار كىتابىنا ەسىمى 25 رەت ەنگەن قارا ءناسىلدى ءانشىنىڭ ءومىرى قيىندىقتار مەن قايشىلىقتارعا تولى بولعانى دا الەم جۇرتشىلىعىنا ءمالىم. جەر- دۇنيەگە اتى جايىلعان، مىڭداعان تابىنۋشىلارى بار دجەكسوننىڭ ءومىرىنىڭ سوڭىنا دەيىن بالانىڭ ويىنىن ويناعانىن كوپشىلىك بىلە بەرمەيدى.

كادىمگىدەي ويىنشىق كولىكتەردى سوعىستىرىپ، يۋلاپ-قيۋلاپ جەدەل جاردەم بولىپ، تىزەرلەپ ءجۇرىپ وينايدى ەكەن. پسيحولوگتار بۇل قىلىعىن «ويىن ۋاقىتىنىڭ ۇرلانۋى» سەبەپتى دەپ تۇسىندىرەدى. دجوزەف پەن كەترين وتباسىندا ون بالانىڭ سەگىزىنشىسى بولىپ دۇنيە ەسىگىن اشقان مايكل بالا بولىپ ويناي الماعان. اعالارىمەن بىرگە باستاپقىدا كوشەدە، كەيىن كاباكتار مەن تۇنگى كلۋبتاردا ءان سالىپ جۇرگەن مايكلدىڭ ويىنعا ۋاقىتى دا بولمايدى. اكەسى ۇلدارىن تەمىردەي تارتىپتە ۇستاپ، ءسال قيا باسسا قاتاڭ جازالاپ وتىرعان ەكەن. اعاسى مارول ءبىر سۇحباتىندا اكەلەرىنىڭ كىشكەنە مايكلدى اياعىنان سالبىراتىپ ءىلىپ قويىپ سابايتىنىن ايتادى.

ءبىر كۇنى، مايكل ۇيىقتاپ جاتقاندا اكەسى قورقىنىشتى بەتپەردە كيىپ، تەرەزەسىنەن تۇسەدى. شوشىپ ويانعان بالا مايكل سودان كەيىن ءومىر بويى ءتۇن بالاسى تىنىش ۇيىقتاي المايتىن بولىپتى. بۇل قىلىعىن دجوزەف مىرزا «بالا تەرەزەدەن شىعىپ كەتپەسىن دەپ جاسادىم» دەپ تۇسىندىرەتىن كورىنەدى. كەيىن اتى اڭىزعا اينالعان ءانشى باۋىرلارىنىڭ ىشىندە جۇرسە دە جالعىزسىراپ، ءجيى جىلاعانى تۋرالى ءومىربايان كىتابىندا جازادى.

بەس جاسىنان كوپشىلىك الدىندا ونەر كورسەتكەن ءبىرتۋار ءانشىنىڭ بۇكىل ءومىرى دەرلىك ساحنادا ءوتتى. ءوزى دە كوزى تىرىسىندە «ساحنادان تىس ءومىرىم جوق» دەپ مۇڭايا مويىندايدى ەكەن. ءتىپتى «ساحنادان تىس ءومىردى سۇرۋگە قورقۋىم دا مۇمكىن» دەپتى. قالاي بولعاندا دا بالالىق شاقتا كورگەن قىسىم مەن تەپەرىشتىڭ بۇكىل ومىرىنە ءىز قالدىرعانى انىق.

سوعان قاراماستان، 15 رەت گرەممي سىيلىعىنىڭ، جۇزدەن استام باسقا دا ءتۇرلى مۋزىكالىق بايقاۋلار مەن سىيلىقتاردىڭ يەگەرى بولدى. دۇنيەءجۇزىن ارالاعان HIStory World Tour ءان ساپارىنان تۇسكەن قاراجاتتى تولىقتاي قايىرىمدىلىققا اۋدارىپتى.

ال جاسوسپىرىمدەرگە بايلانىستى ايىپتاۋلاردان سوتتالماي امان قۇتىلعانىمەن، سوت پروتسەسى مەن قورعاۋشىلارعا تالاي شىعىن بولعان. ال 1993 -جىلى «13 جاسار بالاما جىنىس مۇشەسىن ۇستاۋعا ماجبۇرلەدى» دەپ ەڭ العاش ايىپ تاققان ەۆان چاندلەر وزىنە قول سالىپ كوز جۇمادى. بالاسى دجوردان چاندلەر بولسا، مايكل دجەكسوننىڭ قازاسىنان كەيىن 2009 -جىلى اكەسىنىڭ ايتۋىمەن اقشا ءۇشىن انشىگە جالا جاپقانىن مويىنداپتى. ايتپاقشى، دجەكسون كەزىندە ولارعا 22 ميلليون دوللار بەرىپ قۇتىلعان بولاتىن.

ءبىر كەم دۇنيە دەگەن وسى شىعار. ونەردە جولى بولعانمەن، مايكل دجەكسوننىڭ ومىردەگى باقىتى باياندى بولمادى. بالالىق شاعىندا كورگەن قۇقاي ءوز الدىنا، ەسەيگەن سوڭ دا ماڭدايى جارقىراپ كەتە قويمايدى. بىرنەشە رەت ۇيلەنىپ- اجىراسادى، اۋرۋدان زارداپ شەگەدى. اسا تانىمال بولعاندىقتان كوپشىلىك ورىنداردا كوزگە تۇسە المايدى، ءومىرىنىڭ سوڭىنا دەيىن «نەۆەرلەند» رانچوسىندا وڭاشا تۇرعان.
qasym.kz



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات