استانا پروتسەسى: سيريا ماسەلەسى بويىنشا كەزەكتى كەزدەسۋ وتەدى
اتالعان شارالار استانا پروتسەسى اياسىندا باستالعان، دەپ حابارلايدى قازاقپارات ءتىلشىسى سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
استاناداعى كەزدەسۋدە سيريا جەرىندە اسكەري ءىس-قيمىلدى توقتاتۋ رەجيمىن ساقتاۋ ماسەلەلەرى، سونىڭ ىشىندە بەلگىلى اۋماقتاردا احۋالدى تۇراقتاندىرۋ جايى ءسوز بولادى. سونداي-اق، بىرلەسكەن شۇعىل توپ تۋرالى ەرەجە قابىلدانىپ، بىتىمگەرلىك رەجيمدى كۇشەيتۋ جانە باسقا دا جەنيەۆا كەلىسسوزدەرى الدىنداعى شارالار تالقىعا سالىنباق.
سيرياداعى اتىستى توقتاتۋعا كەپىلدىك بەرىپ وتىرعان رەسەي، تۇركيا مەن يران مەملەكەتتەرىنىڭ حابارلاۋىنشا، استاناداعى كەزەكتى كەزدەسۋگە يوردانيا كورولدىگى، سيريا اراب رەسپۋبليكاسى، سول جەردەگى قارۋلى وپپوزيتسيانىڭ وكىلدەرى، ب ۇ ۇ باس حاتشىسىنىڭ ارنايى وكىلى س. دە ميستۋرا، سونداي-اق ا ق ش باقىلاۋشى رەتىندە شاقىرىلىپ وتىر.
ايتا كەتەيىك، سيريا ماسەلەسىن رەتتەۋگە ارنالعان استانا پروتسەسىنەن كەيىن ەلوردادا حالىقارالىق تەحنيكالىق كەزدەسۋ وتكەن بولاتىن. سونىڭ ناتيجەسى بويىنشا ر ف قارۋلى كۇشتەرى شۇعىل باسقارما باسشىسىنىڭ ورىنباسارى، گەنەرال-مايور ستانيسلاۆ گادجيماگومەدوۆ مالىمدەمە جاساعان ەدى.