باۋىرجان بايبەك ۋنيۆەرسيادادان تۇسەتىن تابىستى جاريالادى

None
None
استانا. قازاقپارات - ۇكىمەتتىڭ بۇگىنگى وتىرىسىندا الماتى قالاسىنىڭ اكىمى باۋىرجان بايبەك بۇكىل الەمدىك ستۋدەنتتەر ۋنيۆەرسياداسىنان تۇسەتىن كەيبىر تابىس كوزدەرىن جاريالادى، دەپ حابارلايدى قازاقپارات ءتىلشىسى.

ونىڭ ايتۋىنشا، قۇرىلىس جۇمىستارى بارىسىندا 30 مىڭ جۇمىس ورنى اشىلعان بولاتىن. سونىڭ ارقاسىندا بيۋدجەتكە 9,7 ميلليارد تەڭگە كولەمىندە سالىقتار ءتۇستى. بۇگىندە ۋنيۆەرسياداعا دايىندىق جۇمىستارىنا 220 دان استام كومپانيانىڭ 5000 قىزمەتكەرى اتسالىسىپ كەلەدى. ولاردىڭ 80 پايىزى - جەرگىلىكتى تۇرعىندار.

«ءبىزدىڭ ەسەبىمىزگە سايكەس، الماتىعا كەلەتىن ءاربىر شەتەلدىك تۋريست كۇنىنە 245 دوللار جۇمسايدى. وسىلايشا، شەتەلدەن كەلەتىن 5 مىڭ ادام بەس كۇننىڭ ىشىندە قالانىڭ شاعىن جانە ورتا بيزنەسىنە 2 ميلليارد تەڭگەدەن استام پايدا اكەلەدى. قاتىسۋشى كوماندالار سپورت قالاشىقتا تەك تۇرعانى ءۇشىن 1 ميلليون ەۋرو تولەپ بەرەدى. بۇدان بولەك، قالاداعى 8 وتەل ادامعا لىق تولادى. ول جەرگە حالىقارالىق ستۋدەنتتەر سپورتى فەدەراتسياسىنىڭ وكىلدەرى ورنالاسادى»، - دەپ اتاپ كورسەتتى بايبەك.

ايتا كەتەيىك، الماتى قالاسىندا وتەتىن ۋنيۆەرسياداعا الەمنىڭ 59 ەلىنەن 2 مىڭنان استام سپورتشى قاتىسادى. قازاقستاننىڭ نامىسىن 168 سپورتشى قورعايدى.

 

سوڭعى جاڭالىقتار