سايات مەدەۋوۆ مەيرامبەك پەن توقتاردىڭ تۋعان كۇنىن تويلاۋ ءۇشىن اقشا ىزدەگەن قىزىعىن ايتىپ بەردى

نۇر- سۇلتان. قازاقپارات - ءانشى سايات مەدەۋوۆ ونەردەگى ارىپتەستەرى ءارى دوستارى مەيرامبەك بەسبايەۆ پەن توقتار سەرىكوۆپەن بىرگە وتكىزگەن جاستىق شاعى تۋرالى اڭگىمەلەپ بەردى.

ول قوس بىردەي دوسىنىڭ قاتار كەلگەن تۋعان كۇنىن (18 جاس) اتاپ ءوتۋ ءۇشىن تۇنىمەن اقشا ىزدەگەن كەزدى ەسىنە الدى.

بۇل تۋرالى 31- ارنانىڭ «ايتا بەرسىن» باعدارلاماسىندا (2016) ايتىلدى.

«توقتارمەن تانىستىعىمىز 93 -جىلدارى باستالدى. سول كەزدەردەن ارالاسامىز. بىرگە جۇردىك، بىرگە تۇردىق. ول كەزدە كوپ ادامداردا كولىك جوق. اكەمنىڭ كولىگىن قالاعا اكەلىپ الاتىنبىز. سول كەزدە ءارى- بەرى قىدىرىپ كەتەتىنبىز. كەيدە قاسىما توقتاردى الىپ قىدىرامىن، كەيدە مەيرامبەك ەكەۋمىز قىدىرامىز، «تاكسوۆات ەتەمىز». كەيدە ۇشەۋمىز قىدىرامىز. قىزىق ءومىر عوي. بىزدىكى كوشە ارالاپ ءجۇرۋ بولاتىن.

ەكەۋىنىڭ 18 جاس تۋعان كۇنى كەلدى. قىزىق قوي ول كەزدە، قالتامىزدا اقشا جوق. تۇنىمەن توقتار ەكەۋمىز اقشا ىزدەپ، تۋعان كۇندەرى كەرەمەت ءوتتى. سول كەزدەن باستاپ سىيلاستىعى جاراسقان دوستارمىز»، - دەدى سايات مەدەۋوۆ.