+7 (701) 759 90 19
29 °С : نۇر-سۇلتان
35 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كىتاپقۇمارلارعا ارنالعان قىزىقتى دەرەكتەر

9 شىلدە 20:26
:ءبولىسۋ
كىتاپقۇمارلارعا ارنالعان قىزىقتى دەرەكتەر

نۇر-سۇلتان. قازاقپارات - اگاتا كريستي - الەمدەگى ەڭ اتاقتى جازۋشى. ونىڭ دەتەكتيۆتى روماندارى 100 دەن استام تىلگە اۋدارىلعان.

جالپى اگاتا 60 دەتەكتيۆتى رومان، 6 پسيحولوگيالىق رومان (مەري ۋەستماكوتت نەمەسە ۆەستماكوتت دەگەن بۇركەنىش اتپەن)، 19 اڭگىمەلەر جيناعى مەن 16 پەسانى جارىققا شىعارعان. كىتاپتارىنىڭ جالپى تيراجى 4 ميللياردتان استام. قازىرگى تاڭدا جالپى وقىرمان قاتارىنا 45 جاستان اسقان ەگدە كىسىلەر جاتادى. ولار كىتاپتىڭ 50 پايىزىنان كوبىن وقيدى. بۇگىنگى كۇنگە دەيىن ەڭ كوپ شىعارما جازعان اقىن - لوپە دە ۆەگا.

يسپانيالىق دراماتۋرگ ءوز ءومىرىنىڭ سوڭىنا دەيىن 1800 پەسا جازعان. ايەلدەر جىگىتتەردەن گورى كىتاپتى جاقسى ساتىپ الادى. ولاردىڭ ۇلەسى - %68. اتى الەمگە تانىمال تۇلعالاردىڭ جازىلعان ءومىرباياندارى بويىنشا دا الەمدىك رەكوردشىلار بار. مىسالى، ۋينستون چەرچيلدىڭ ءومىربايانى ەڭ ۇزاق جازىلعان، كولەمدى تۋىندى بولىپ سانالادى. ول 22 تومنان تۇرادى. سالماق بويىنشا ەڭ اۋىر قولجازبا - گەوگرافيالىق اتلاس. ول بريتانيا مۇراجايىندا ساقتاۋلى. ونىڭ سالماعى - 320 كەلى، بيىكتىگى - 1 مەتردەن اسادى. كىتاپتاردىڭ اراسىندا «ليليپۋت» كىتاپتار دا كەزدەسەدى. ولاردىڭ كولەمى كىشكەنتاي قاسىقپەن تەڭ. ەڭ كىشكەنتاي كىتاپتاردىڭ قاتارىنا فرانسيا كونستيتۋتسياسى، اعىلشىن سوزدىگى جاتادى.

كىتاپقا جانى قۇمار ادامدار ءبىر اپتادا كەمىندە 7 ساعات ۋاقىتىن كىتاپ وقۋمەن وتكىزەدى. يتاليالىق ريو كوزەللي الەمدەگى ەڭ زەرىكتىرگىش كىتاپتار توپتاماسىن جينايدى. قازىر ونىڭ قولىندا 10000 توم كىتاپ بار. ءبىر يتاليالىق اقىن ءوزىنىڭ شىعارماسىن كوزەلليدىڭ كىتاپتار توپتاماسىنىڭ اراسىنان كورىپ، ءوز-وزىنە قول جۇمساماق بولعان ەكەن. ەڭ قىمبات كىتاپتى فرانسۋز جازۋشىسى جوزەف فورە جازعان. ونىڭ اتى - «اپوكاليپسيس». قۇنى - 100 ميلليون فرانك. ول «پاريج زاماناۋي ونەر» مۇراجايىندا قويىلعان. ەڭ ۇزىن كىتاپ - «عاجاپ».

ونىڭ تولىق ۇزىندىعى - 1856 مەتر. ول پاپيرۋس قاعازىنا جازىلىپ، ورالعان. كىتاپتىڭ اۆتورلارى - كاستەللو (يتاليا) قالاسىنداعى وقۋ ورتالىعىنىڭ 400 وقۋشىسى. تۋىندى 11 اڭگىمەدەن تۇرادى. الەمدەگى ەڭ اتاقتى كىتاپ - «سوعىس جانە بەيبىتشىلىك»، لەۆ تولستوي. رومان دجوردج ورۋەلدىڭ «1984»، دجەيمس دجويستىڭ «ۋليسس»، ۆلاديمير نابوكوۆتىڭ «لوليتا» جانە ۋيليم فولكنەردىڭ «شۋ مەن قۇمارلىق» سەكىلدى شىعارمالارىن باسىپ وزعان.

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات