قولىمىزبەن كورسەتەتىن يشارالاردىڭ ءار ەلدەگى ماعىناسى قانداي؟

نۇر- سۇلتان. قازاقپارات - جەر شارىنداعى بارلىق ادام كوڭىل- كۇيىن ءتۇرلى يشارالار ارقىلى كورسەتۋگە داعدىلانعان. بىزدەر ونى بارلىق حالىق ءۇشىن بىرەگەي دەپ بىلەمىز.

دەسە دە ول ءبىز ءۇشىن عانا سولاي بولار. شىندىعىندا، شەت ەلدىك ازاماتپەن سۇحباتتاسقان كەزدە ءتۇرلى قولايسىزدىققا تاپ بولارىڭىز انىق. بۇل رەتتە ءار بەلگىلىنىڭ ءار ەلدە قانداي ماعىنا بەرەرىن ۇسىنۋدى ءجون دەپ تاپتىق.

قول الىسۋ

الەمنىڭ بارلىق تۇكپىرىندە امانداسۋدى بىلدىرەدى. ءبىراق شىعىس ەلدەرىندە الدەكىمگە سەبەپسىز قول تيگىزۋ تاربيەسىزدىك بولىپ سانالادى.

ورتاڭعى ساۋساق (ورتان تەرەك) كورسەتۋ

بۇل يشارا سەكسۋالدى سيپاتقا يە. جانە اڭگىمەنى قاۋىرت توقتاتۋدى بىلدىرەدى. دەسە دە ول بارلىق ورتادا تەرىس تاربيە نىشانىنداي قابىلدانادى. تايلاند جانە جاپونيا مەملەكەتتەرىندە ورتاڭعى ساۋساق كورسەتۋ - سەكسۋالدى قىزمەت كورسەتۋ يشاراسى. ال گەرمانيادا ورتاڭعى ساۋساعىڭىزدى كورسەتسەڭىز، ايىپپۇل سالىنۋى مۇمكىن.

باس بارماقتى كوتەرۋ

جوعارىعا كوتەرىلگەن باس بارماق ءار ەلدە ءار ءتۇرلى قابىلدانادى. ەگەر گەرمانيادا ول ءبىر سانىن بىلدىرسە، گرەتسيادا «... كەتشى سەن!» دەگەن تىركەستى اڭعارتادى. ۋرۋگۆاي جانە يران ەلدەرىندە باس بارماق ەركەكتىڭ قوزۋ كۇيىندەگى جىنىس مۇشەسىن جانە سەكسۋالدىق زورلىق قاۋپىن بىلدىرەدى. ال فرانسيادا بۇل يشارانىڭ ماعىناسى «ۇستىنە وتىرشى» تىركەسىنە سايادى.

قول شىعارۋ

جاپونيا، قىتاي جانە كورەيا مەملەكەتتەرىندە بۇل ەركەكتىڭ جىنىس مۇشەسىن بىلدىرەتىن بەلگى. ال گەرمانيادا جىنىستىق قاتىناستا بولۋدى ۇسىنۋ رەتىندە قابىلدانادى. ءۇندىستاندا قاۋىپ- قاتەردى، تۇركيا مەن ورتالىق امەريكادا جىلدام ءورالدى جىنىستىق قاتىناس جاساۋعا ۇسىنىس ءبىلدىرۋدى اڭعارتادى. جەرگىلىكتى حالىق بۇل يشارانى ساتتىلىك اكەلىپ، جىن- پەرىلەردى قۋادى دەپ نانعاندىقتان، قول شىعارۋ - برازيليادا ءلاززات كورسەتكىشى.

سۇق ساۋساقپەن باسىن نۇسقاۋ

سۇق ساۋساقپەن باسىن نۇسقاۋ ادامنىڭ اقىل- وي قابىلەتى جايلى تۇجىرىم بەرەدى. ءبىراق نيدەرلاندتاردا بولساڭىز، بۇل يشارا - اقىلدىلىقتىڭ بەلگىسى. يتاليادا اتالعان يشارا ارقىلى ءوزىڭىزدىڭ ءبىرتۇرلى ادام ەكەنىڭىزدى كورسەتسەڭىز، ارگەنتينا تەلەفونعا شاقىرۋ بەلگىسى رەتىندە قابىلدانادى.

باس بارماق جانە سۇق ساۋساقپەن دوڭگەلەك جاساۋ - «ок»

كوپ جاعدايدابۇل يشارا قيىندىقتىڭ جوقتىعىن جانە ءنول» ماعىناسىن بەرەدى. دەسە دە بارلىق مەملەكەتتە ەمەس. فرانسيا، پورتۋگاليا جانە لاتىن امەريكاسىنىڭ باسقا ەلدەرىندە «ок» يشاراسى دورەكىلىك پەن جامباستاعى ارتقى تەسىكتى بىلدىرەدى. ال تۇركيادا شىلدىر شۇمەك قوسا كورسەتىلگەن بۇل يشارا - گوموسەكسۋاليزم بەلگىسى. تۋنيستە ادامعا ءولىم قاۋپىن ءتوندىرۋ ەسەبىندە قاىلدانادى.

جەڭىس بەلگىسى

جوعارى كوتەرىلگەن سۇق جانە ورتاڭعى ساۋساقتار جەڭىستى اڭعارتادى. الايدا يتاليادا بۇل يشارا ايەلدىڭ جىنىس مۇشەسىن بىلدىرەدى.

Stan.kz