USD 434.84 EUR 498.2
RUB 5.72 CNY 68.47
جاڭالىقتار

شاكارىمنىڭ ءۇش دانا تاريحي سۋرەتى

18 تامىز 20:34
:ءبولىسۋ
شاكارىمنىڭ ءۇش دانا تاريحي سۋرەتى

نۇر-سۇلتان. قازاقپارات - شاكارىم بەينەلەنگەن 3 دانا سۋرەتتىڭ بۇگىنگى كۇنگە دەيىن امان قالۋىنىڭ ءوزى عاجاپ. وسى فوتوسۋرەتتەر ارقىلى قازاقتىڭ ۇلى ويشىلى، دارابوز اقىنىنىڭ شىنايى بەت- بەينەسى قانداي بولعانىن بىلەمىز.

ولار قالاي جانە كىمنىڭ ارقاسىندا ساقتالىپ قالدى؟ تاريحتا ن ك ۆ د باسقارمالارىنىڭ تاپسىرماسىمەن شاكارىمنىڭ قالامىنان شىققان تىڭ تۋىندىلاردى ورتەۋگە بۇيرىق كەلەدى. اتىپ ولتىرىلگەن اقىننىڭ اسىل مۇراسىن حات تانىمايتىن شاۋكەن اتتى قارياعا ورتەتەدى. قاريا قولىنداعى قۇجاتتاردىڭ كىمدىكى ەكەنىن دە بىلگەن جوق. ورتەمەس الدىن شاۋكەن اقساقال ءبىر نارسەدەن كۇماندانىپ، ءبىراز ويلانىپ، ويىن تارازىلايدى. قاريا حات تانىماسا دا، قۇجاتتاردىڭ اراسىنداعى فوتوسۋرەتتى كورىپ، ونداعى بەينەلەنگەن كىسىنى تانيدى. ول ارينە شاكارىم ەدى...

شاۋكەن قاريا قىزىل جالىنعا قۇجاتتاردى تاستاپ، سۋرەتتى الىپ قالادى. ونداعى بەينە اقىننىڭ مەككەگە اتتانۋ ءۇشىن ءتولقۇجاتقا تۇسكەن فوتوسى ەكەن. الايدا، بۇل شاكارىمنىڭ ساقتالىپ قالعان جالعىز سۋرەتى ەمەس ەكەن. ۇلى اقىننىڭ ەكىنشى سۋرەتى دە كەزدەيسوق سەمەي قالاسىنىڭ كىتاپحاناسىنان تابىلادى.

شىڭعىس جوتاسىندا تۇسكەن شاكارىمنىڭ تاريحي فوتوسىنىڭ استىندا ورىسشا «چينگيزسكيە گورى. كازاحسكي پوەت» دەپ جازىلعان ەكەن. ال قازاق اقىنىنىڭ بۇركىتتى قولىنا قوندىرىپ تۇرعان ءساتىنىڭ ءتۇپنۇسقا سۋرەتى سوناۋ ماسكەۋدەن تابىلادى. مىنە، وسىلايشا قانشاما قۇندى دۇنيەلەرى جويىلسا دا، ارتىنان قالعان مۇراسىن كەلەشەك ۇرپاقتىڭ ءبىلۋ باقىتىنا جاراتقاننىڭ ءوزى سەپتىك ەتكەنىن كورگەندەيمىز. نازارلارىڭىزعا شاكارىم قۇدايبەردى ۇلىنىڭ 3 ءتۇيىر تاريحي فوتوسۋرەتتەرىن ۇسىنامىز.


اۆتورى: گۇلنيسا الداجار

kazakh-tv.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات