USD 434.34 EUR 491.93
RUB 5.56 CNY 68.67
جاڭالىقتار

بيە ءسۇتىنىڭ اعزانى تەز قارتايتپايتىنى دالەلدەندى

7 جەلتوقسان 14:23
:ءبولىسۋ
بيە ءسۇتىنىڭ اعزانى تەز قارتايتپايتىنى دالەلدەندى

نۇر-سۇلتان. قازاقپارات - ساۋمال ىشسەڭ ساۋ جۇرەسىڭ. بيە ءسۇتىنىڭ اعزانى تەز قارتايتپايتىن دا اسەرى بار ەكەن.

ۇلتتىق تاعامتانۋ اكادەمياسىنىڭ عالىمدارى زەرتتەۋ جۇرگىزىپ، وسىنداي تۇجىرىمعا كەلگەن، دەپ حابارلايدى ك ت ك ارناسىنىڭ سايتى.

ساۋمال مەن قىمىز سوزىلمالى اۋرۋلاردىڭ الدىن-الىپ، ديابەت پەن وستەوپوروزدى(ورگانيزمدەگى فوسفور- كالتسي الماسۋىنىڭ بۇزىلۋىنان بولاتىن پارودويت جانە بەت، جاق سۇيەك اۋرۋىندا كەزدەسەتىن تكاندەرىنىڭ سيرەۋى) ەمدەۋدە تاپتىرماس ءدارى دەيدى ولار.

بيە ءسۇتى اسىرەسە ەگدە جاستاعى ادامدار ءۇشىن وتە پايدالى ەكەن. ەكى اي بويى كۇندەلىكتى ۇزبەي ساۋمال ىشكەن قارتتاردا حولەستەرين ازايىپ، اعزاداعى گليۋكوزا مولشەرى قالىپتى جاعدايعا ءتۇسىپتى. بۇل ءوز كەزەگىندە كارىلىكتى تەجەۋگە سەپتىگىن تيگىزەتىن كورىنەدى.

دەگەنمەن، بيە سۇتىنەن جاسالعان تاعامداردىڭ پايداسى مول بولعانىمەن، قۇنى تىم قىمبات. ونىڭ ۇستىنە، ساۋمالدى سۋىتپاي ىشۋگە كوبىنىڭ، اسىرەسە قالا تۇرعىندارىنىڭ مۇمكىندىگى جوق. ءبىراق بۇل ولقىلىقتى جويۋعا بولادى دەيدى اكادەميك تورەعالي شارمانوۆ.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات