جاپونيا حالقىنىڭ دانالىق سوزدەرى

نۇر- سۇلتان. قازاقپارات - كۇنشىعىس ەلى وزىق ۇلگىدەگى تەحنيكا جاساۋدان بولەك مادەنيەتىمەن، دانا سوزدەرىمەن دە الەمدى اۋىزىنا قاراتىپ ءجۇر.
جاپونياعا بارعان تۋريستەر كەرەمەت اسەرىمەن ءبولىسىپ، ونداعى جاعدايدىڭ تىم ەرەكشە ەكەنىن تىلگە تيەك ەتەدى. وسىنداي عاجايىپتارىمەن كوپشىلىكتىڭ كوزايىمىنا اينالعان ەلدىڭ ناقىل سوزدەرىنە دە كەزەك بەرەيىك. ويتكەنى ماعىنالى سوزدەر ماردىمدى جۇمىس ىستەۋگە سەپتىگىن تيگىزەدى.
ەگەر باسىڭىزداعى قيىندىقتاردى شەشۋگە مۇمكىندىك بار بولسا، وندا كوپ ۋايىمداۋدىڭ قاجەتى جوق، ال شەشىلمەسە، ۋايىمداۋدىڭ ءوزى ارتىق.
ويلانىپ بارىپ شەشىم قابىلدا، شەشتىڭ بە - ويلانبا.
جولعا شىققاندى ۇستاما، كەلگەن جاندى كەت دەپ قىستاما.
جامان جولداس بولعانشا، جاقسى ادامنىڭ قاسى بولعان ارتىق.
كىم بيىككە كوتەرىلگىسى كەلسە، سول ساتى ويلاپ تابادى.
ەر مەن ايەل كوز بەن قولداي بولۋى كەرەك. قول اۋىرسا كوز جىلايدى، كوز جىلاسا، قول جاستى سۇرتەدى.
الىس جولدىڭ ءوزى جاقىننان باستالادى.
كىم شاراپ ىشسە، ونىڭ زيانىن بىلمەيدى، كىم شاراپ ىشپەسە، ونىڭ پايداسىن بىلمەيدى.
قىلىش ومىرىڭىزدە ءبىر- اق رەت كەرەك بولسا دا، ءومىر باقي اسىنىپ جۇرگەن ابزال.
ادەمى گۇلدەر جاقسى تۇقىم بەرمەيدى.
قايعى جىرتىلعان كيىم سەكىلدى. ونى ۇيگە تاستاعان ءجون.
جانعا جىلۋ سىيلايتىن ءبىر ءسوز ءۇش اي قىستان توڭباي وتۋگە كومەكتەسەدى.
massaget.kz
- قازاق فيلم ۇجىمى ءاسانالى اشىموۆكە ات مىنگىزدى
- وزبەكستاندا گەواقپاراتتىق تەحنولوگيالار ورتالىعى قۇرىلادى
- الەمدەگى ەڭ قارت ەر ادام تۋرالى نە بىلەمىز
- وزىنەن 54 جاس كىشى جىگىتكە تۇرمىسقا شىققان 77 جاستاعى اجەي كوپتىڭ نازارىنا ىلىكتى
-
سولتۇستىك كورەيا جاپون تەڭىزىنە 3 راكەتا ۇشىردى
-
نۇر- سۇلتاندا دومبىرامەن كۇي ويناعان مىڭ وقۋشى گيننەستىڭ رەكوردتار كىتابىنا ەنۋى مۇمكىن - ۆيدەو