ۇجىمدى باسقارا الاسىز با؟

نۇر- سۇلتان. قازاقپارات - ورتاق جۇمىستىڭ العا باسۋى ءۇشىن قىزمەتكەرلەر مەن باسشى اراسىنداعى قارىم-قاتىناس وتە ماڭىزدى.

ءارقايسىسىنىڭ جەكە ءومىرى، ماسەلەسى، ايتارى بار. ولاردىڭ ءارقايسىسىن جاقسى باسشى تىڭداي الادى. ال ءسىز شە؟

1. ءوز ىسىڭىزگە ادال بولىڭىز. ونىڭ كەلەشەگى مەن ساتتىلىگىنە، سۇرانىسىنا كۇمانسىز سەنىڭىز.

2. قىزمەتكەرلەرمەن ارىپتەس رەتىندە قارىم-قاتىناس ساقتاڭىز.

3. جۇمىسكەرلەردىڭ جۇمىسقا ىنتاسىن ارتتىراتىن جاعداي جاساڭىز.

4. قىزمەتكەرلەرمەن جۇمىسقا بايلانىستى كەز كەلگەن اقپاراتپەن ءاردايىم ءبولىسىپ وتىرىڭىز. ولار نەعۇرلىم كوپ بىلگەن سايىن، سوعۇرلىم ءوزارا تۇسىنىستىك تەرەڭدەيدى.

5. ۇيرەنشىكتى ىستەردىڭ ىعىنا بەرىلمەڭىز. جالپى، ءوزىڭىزدىڭ جەكە سوقپاعىڭىز بولۋى، ونى جاڭعىرتىپ وتىرۋىڭىز كەرەك.

6. باسەكەلەستەرگە قاراعاندا ءوزىڭىزدىڭ شىعىندارىڭىزعا كوبىرەك كوڭىل ءبولىڭىز.

7. قاراماعىڭىزداعىلاردىڭ جۇمىسقا پايدالى ۇلەس قوساتىن ىستەرىن جوعارى باعالاپ وتىرىڭىز. شىن كوڭىلمەن، ورىندى ايتىلعان ماقتاۋ قىزمەتكەرگە جاقسى اسەر ەتەدى.

8. جەتىستىكتەرىڭىزدى اتاپ وتكەن ارتىق ەتپەيدى. ال قاتەلىكتەرىڭىز ءۇشىن تىم قاپالانباڭىز. وعان كۇلە قاراۋدى ۇيرەنىڭىز. ءارقاشان كوتەرىڭكى كوڭىل-كۇيدە بولۋعا تىرىسىڭىز.

9. قىزمەتكەرلەردى جيىرەك تىڭداڭىز، ءوزارا جاقسى سىيلاسىڭىز.

10. «قىزمەتىڭىزدى تۇتىنۋشىلارعا» ۇنايتىن نارسەنى ولاردىڭ ويىنا كەلمەي تۇرىپ ىسكە اسىرىڭىز. سوندا ولاردى جوعالتپايسىز، جۇمىسىڭىز ورگە باسادى.

massaget.kz