ىدىس ارقىلى ىرىستىڭ ءمانىن كورسەتكەن ۇستاز
تەك سوعان شىداعاندار عانا ءارى قاراي جۇرۋگە تالپىنادى. ال شىداۋدان باس تارتىپ شارشاعاندار تەك ءومىردىڭ جامان جاعىن كورەدى. ءتىپتى ونى سۇرۋدەن، قىزىق قىلۋدان قالادى.
جوعارى وقۋ ورنىن بىتىرگەن تۇلەكتەر ون جىل وتكەن سوڭ وزدەرىنىڭ پروفەسسورلارىنا قوناققا كەلەدى. بۇل ولاردىڭ كەزىندە پسيحولوگيا پانىنەن بەرگەن ۇستازدارى. بارلىعى وتىرىپ اڭگىمە دۇكەن قۇرادى. ومىرگە جول العان تۇلەكتەر قوعامنىڭ جامان تۇسىن ايتىپ، تەك قانا ارىزدارى مەن شاعىمدارىن جەتكىزدى.
قوعامنان ابدەن كوڭىلدەرى قالعان شاكىرتتەرىنە ۇستاز ۇزاق قاراپ وتىرىپ، شاي ۇسىندى. ۇستەل ۇستىندە شاي جانە ءتۇرلى ءتۇستى ىدىستار تۇردى. فارفوردان جاسالعان، شىنىدان، حرۋستالدان جانە اعاشتان جاسالعان قاراپايىم ىدىستار دا بولدى. شاكىرتتەرى ءارتۇرلى ىدىستاعى شايلارىن ءبولىپ العاننان كەيىن ۇستازى:
«سىزدەر بايقادىڭىزدار ما، مۇندا تۇرعان ىدىستاردىڭ ءبارى قىمبات ىدىستار. ءتىپتى قاراپايىم اعاشتان جاسالعان ىدىستى ەشكىم العان جوق. بۇل سىزدەردىڭ قالاۋلارىڭىز. ەندەشە قالاۋ - باستى سەبەپكەر. تۇسىنىڭىزدەر: ىدىس شايدىڭ ءدامىن كەلتىرمەيدى. ءبىراق ول قىمبات ىدىستىڭ ىشىندە تۇر. سەندەر ىدىستى ەمەس، شايدى قالادىڭدار. تاعى دا ايتامىن، بۇل - قالاۋلارىڭ.
ءبىر قىزىعى سەندەر ىدىستاردى ءبولىپ العاننان كەيىن، شايعا ەمەس، كىم قانداي ىدىس العانىنا ءمان بەردىڭدەر. ەندى ويلانىڭدار: ءومىر - بۇل سۋسىن، ال جۇمىس، اقشا، ىنتا مەن قوعام - ىدىس. سىزدەردى ومىردەن بولە قاراتىپ تۇرعان تەك قانا ىدىس. سوندىقتان قانداي ىدىسپەن ىشسەڭىزدەر دە ول سىزدەردىڭ ومىرلەرىڭىزدىڭ ءمانىن قۇرتپايدى. تەك ءبىز كەيدە ىدىسقا قاراپ، ىشىندەگى ءومىردىڭ ءدامىن ۇمىتىپ كەتەمىز...
تاياقتىڭ ەكى ۇشى بار ەكەنىن ۇمىتپاعان ءجون. جاقسىلىق بار جەردە جاماندىق قاتار جۇرەدى. تەك تاڭداۋ سىزدە!
massaget.kz