الىستاعى اعايىنعا «كەلسىن!» دەگەن ءبىر اۋىز ءسوزىڭ ءۇشىن
سولاردىڭ ەڭ باستىلارىنىڭ ءبىرى - شەتتە تارىداي شاشىراپ جۇرگەن قانداستارىمىزدى اتاجۇرتقا شاقىرىپ، قونىستاندىرۋعا ارنالعان كوشى-قون تۋرالى جارلىعى.
بۇگىن، 18- قاراشا - قازاق تاعدىرىنىڭ باسىنداعى قاساڭ جىلدارى ءوز اتامەكەنىنەن اجىراعان، وتانىنان شەتتەگەن الىستاعى اعايىندى ەلگە شاقىرىپ، ەلباسىنىڭ «قازاق كوشىنە» جول اشقان كۇنى.
وسى ايتۋلى كۇنگە وراي اقىن، «نۇر وتان» پارتياسىنىڭ رەسپۋبليكالىق قوعامدىق قابىلداۋ ءبولىمىنىڭ كەڭەسشىسى اۋىت مۇقيبەك ۇلىنىڭ ەلباسىنا ارناعان ولەڭىن ۇسىنامىز.
***
سەنى قالاي سۇيمەيىن، جان نۇرەكەم،
قۇردىڭ، مىنە، شات ءومىر، ءساندى مەكەن!
ەل بولعانىڭ، قازاعىم، وسى ەمەس پە،
رۋحى بيىك، ىرگەسى ماڭگى بەكەم؟!
باعىندىردىڭ شىڭداردى ءور كەۋدەڭمەن،
شىققاندىقتىڭ بەلگىسى ول كورگەندى ەلدەن!
ازاتتىقتىڭ كوك تۋىن قولعا العالى،
قانداسىڭا كەلەسىڭ «كەل، كەل!» دەۋمەن!
سەن بولماساڭ، كەلەم بە بۇل ماڭعا، اعا،
سالدىڭ اكەپ ارقاعا تىڭنان قالا.
كەلسىن دەدىڭ قازاعىم شەتتە جۇرگەن،
الماعايىپ سوناۋ ءبىر جىلداردا دا!
سۋىن ىشكەن، تۇلپارىم، تۇنىق كولدىڭ،
كۋاسىمىز سەن شەشكەن ءىرى ىستەردىڭ.
اڭساپ كەلگەن قازاققا بارىڭدى سەن،
ەرىنىنەن ەلىڭنىڭ جىرىپ بەردىڭ!
ايامادىڭ، قولىڭدا باردى بەردىڭ،
قامىن ويلاپ جۇگىردىڭ ءار كۇنى ەلدىڭ.
ارمان سەنى كورگەن جوق اداستىرىپ،
سول ارمانعا سەن ەرگەن ماڭگىگە ەردىم.
جاراسپايدى شەت جەردە جۇرگەنى ەردىڭ،
وسى ەلمەنەن نە كورسەم، بىرگە كوردىم!
زامان ءبىزدى ايىرعان ۇيىرىنەن،
دەمەيدى ەشكىم سەن نەگە ىرگە ءبولدىڭ!
ساعان بۇگىن شىڭ بار ما باعىنباعان،
وتىرا بەر تاپجىلماي تاعىڭدا امان!
كەلدىك بىزدەر اعىلىپ اتاجۇرتقا،
ءجۇرۋ ءۇشىن سەنىڭ جەل جاعىڭدا،اعام!
الام دەسەڭ شالقايىپ، تىنىسىڭبىز،
ورام دەسەڭ، اق ءبيداي - ىرىسىڭبىز،
اتام دەسەڭ، وعىڭبىز ويىپ تۇسەر،
شابام دەسەڭ، الداسپان قىلىشىڭبىز!
تابادى اركىم، ارينە، ءوز ىرىسىن،
بولسا، بويدا قۇرىشتاي ءتوزىمى شىن!
شەتىمىزدەن جانىمىز قۇربان ساعان،
«كەلسىن!» دەگەن ءبىر اۋىز ءسوزىڭ ءۇشىن!!!
اۋىت مۇقيبەك. 2016- جىل